HOSEA 12:14 - KITTA' MATANGKASA'

¹⁴ Appabattui Batara sitau na'bi untu' angngerangi tu Israel assulu' battu ri tampa' nipare' atana ke'nanga, iamintu butta Mesir, kammayatompa untu' anjagai ke'nanga.

HOSEA 12:14 ပူးပေါင်းရင်းမြစ်များ

2 SAMUEL 1:16

Nakana Daud ri anjo tu rungka battua ri Amalek, “Ikau kalennu ampattantui anne hukkungang matea mae ri kalennu lanri nuakuina angkanaya ikau le'ba' ambunoi karaeng Napilea Batara!”

YEHEZKIEL 18:10

Mingka ebara' angkana anjo taua nia' ana'na nangai angngella', ammuno, siagang anggaukang jai kaja'dallang maraengannaya

YEHEZKIEL 18:13

Punna assarei angnginrang appalaki bunga. Apaka anjo tau kammaya lattallasaki? Tena! Nagaukammi sikontu panggaukang appakaringi'-ringika anjo, siagang lamatei. Anjo namate lanri panggaukanna tonji.

DANIEL 11:18

Le'baki anjo lanabunduki bansa-bansa niaka ri biring tamparanga, najai na nabeta. Mingka nia' sitau karaeng bansa maraeng lampamari anjo gau' appakatunana; ba'lalo lanibalasaki anjo gau' appakatunaya mae ri ia.

HOSEA 4:2

Assumpai ke'nanga mingka tena narupai; paballe-ballei ke'nanga, ammunoi, a'lukkaki siagang a'gau' bawangi. Katambangi ka'ja'dallanga, siagang sitampe-tampei kajariang pammunoanga.

HOSEA 7:16

Tulusu' amminawanna ke'nanga ri rewata-rewata tena sikalia koasana. Takkulleai nipattoang ke'nanga, rapang anrong pana akkombeka otere'na. Tampoi a'bicara pamimping-pamimpinna ke'nanga, passala' kammanami anjo nalanibuno ke'nanga siagang pa'dang, na nikakkali ri tu Mesir.”

MIKHA 6:16

Yangasenna anjo kammaya kajariangi lanri nuturukinna panggaukang-panggaukang ja'dala'na Karaeng Omri siagang ana'na, iamintu Karaeng Ahab. Nupinawangi cara-carana ke'nanga. Lanri kammana anjo laKuancuru' ngasengko, siagang lanicau-cauko kammayatompa lanihinako ri sikontu bansaya.”

PAOLE 18:15

Kabalekanna lakkiringi tau battu ri bansata tonji sitau na'bi kammaya anne inakke battu mae ri kau, siagang musti mannurukiko mae ri ia.

PAOLE 18:18

Battu ri bansana tonji ke'nanga laKukiring sitau na'bi sangkammaya ikau mae ri ke'nanga. LaKupaui mae ri ia apa mustia napau, nampa napabattu mae ri anjo bansaya sikontu apa Kuparentakanga.

PAOLE 28:37

Ri pa'rasangang-pa'rasangang tampa'nu nipasisa'la'-sa'la' ri Batara, lata'bangka ngasengi taua ancinikko; lanicau-cauko siagang lanikakkaliko ri ke'nanga.

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.