HOSEA 10:6 - KITTA' MATANGKASA'

⁶ Anjo barhalaya laniengkaki mange ri Asyur untu' nihadiakang mae ri karaeng lompoa. Naturuki Israel rancana angngerangai ke'nanga mae ri nipakasirika siagang nipakatunaya.

HOSEA 10:6 ပူးပေါင်းရင်းမြစ်များ

2 KARAENG-KARAENG 17:3

Nibunduki siagang nibetai ri Salmaneser karaeng Asyur, sa'genna tunggala' taungi musti a'bayara' passare mae ri ia.

AYUB 18:7

Ta'royommi dakka porena; rancana kalenna a'jari saba' natatto'ro.

YESAYA 1:29

Lanipakasiriki ke'nanga lanri anynyombana ri poko'-poko' kayua siagang anynya'la'na koko-koko untu' rewata-rewataya.

YESAYA 30:3

Mingka lanipala'bai pa'mai'na ke'nanga ri anjo karaenga, anjo panrannuang naminasaia ke'nanga latena na'rupa.

YESAYA 45:16

Sikontu tau appareka patung barhala; lanipakasiriki siagang lanihinai.

YEREMIA 48:13

Lala'bai pa'mai'na Moab mae ri Kamos, rewatana ke'nanga, sangkamma batena Israel la'ba pa'mai'na ri Betel ia napattoanga ke'nanga.

YEREMIA 7:24

Mingka taerokai ke'nanga mappilangngeri siagang taerokai ke'nanga anjampangi. Ba'lalo ero' kalenna tonji ke'nanga naturukiang, iamintu ero' kapala batuna siagang ero' kaja'dallanna anjo. Tena na'jari baji' ke'nanga passangalinna a'jari ja'dalaki.

YEHEZKIEL 16:28

Mingka tenapa nasangga nusa'ring pakkasia'nu; lanri kammana anjo, nuondang-ondangi pole tu Asyur. A'jariko pasundala'na ke'nanga, mingka tena tompa nasangga nusa'ring pakkasia'nu mae ri ke'nanga.

YEHEZKIEL 36:31

Lanuu'rangi panggaukang ja'dala'nu siagang anjo tindakannu tenaya nasiratang, nampa a'jari lanre mako mae ri batangkalennu lanri dosa-dosanu siagang anjo kapallakkannu.

DANIEL 11:8

Ri wattunna ammotere' mange ri Mesir, lanaerangi patunna rewatana musunna siagang pakkakasa' bulaeng siagang pera' le'baka nipassareang mae ri anjo rewataya. Siapa are taung sallona tena nalanabunduki karaenna anjo pa'rasangang waraka.

HOSEA 4:19

Lanri kammana anjo lalanynyaki ke'nanga rapang tau niiri' rianging. Langgappai ke'nanga siri' lanri koro'bang-koro'bang napassareanga ke'nanga mae ri rewata-rewataya.

HOSEA 4:7

Pila' katambangko jainu, pila' doraka tommako mae ri Nakke, he ikau sikamma imanga! Lanri kammana anjo laKupinrai pattallassannu: Tenamo nulanipakalompo, passangalinna lanihina mako.

HOSEA 5:13

Bansa Israel siagang bansa Yehuda nasadari kakodianna sarenna. Jari a'lampami tu Israel mange appala' bantuang battu ri Asyur, battu ri karaeng lompoa. Mingka anjo karaenga takkulleai antulungi yareka ampakabajiki katallassanna ke'nanga.

HOSEA 8:6

Anjo sapi bulaeng nisombaya ri Samaria bate pare'na sikamma tau cara'de'na tu Israel! Anjo kammaya teai Allata'ala, siagang musti niancuruki!

MIKHA 6:16

Yangasenna anjo kammaya kajariangi lanri nuturukinna panggaukang-panggaukang ja'dala'na Karaeng Omri siagang ana'na, iamintu Karaeng Ahab. Nupinawangi cara-carana ke'nanga. Lanri kammana anjo laKuancuru' ngasengko, siagang lanicau-cauko kammayatompa lanihinako ri sikontu bansaya.”