HAKING-HAKING 9:9 - KITTA' MATANGKASA'

⁹ Appialimi poko' zaitunga angkana, ‘Tena kuero' nasaba' punna a'jaria' karaennu, musti ammarima' assare wassele' minynya' zaitun, biasaya nipake untu' ampakalompoi rewata-rewataya siagang rupataua.’

HAKING-HAKING 9:9 ပူးပေါင်းရင်းမြစ်များ

AYUB 1:7

Akkuta'nangi Batara mae ri anjo lapung Panggoda angkana, “Battu kemaeko?” Appialimi lapung Panggoda angkana, “Silalonna atanTa a'lampa a'la'bang kere-keremae, anjappai sikontu linoa.”

AYUB 2:2

Akkuta'nammi Batara ri lapung Panggoda angkana, “Battu kemaeko?” Appialimi lapung Panggoda angkana, “Battua' a'la'bang ri kere-keremae, anjappai sikontu linoa.”

PAMMUJI 104:15

nappa'nia' wassele' je'ne' anggoro' appakasannanga. Kammayatompa minynya' zaitun ampa'jari accayai tanja'na, siagang kanre assareai ke'nanga kagassingang.

PAMMUJI 89:20

Riolo dudu lalang se're so'na, Kikana mae ri ata tamamminraTa, “Le'baki Kutulung se'rea tubarani, se'rea tule'ba' Kupile battu ri ra'ya', Kupakatinggimi.

KALAPPASSANG 29:2

Apparekko leokang battu ri tarigu kaminang bajika tenaya nammake pa'gambang. Sipa'gang anjo leokanga musti nipareki roti siagang minynya' zaitun, sipa'gang maraenga tena nammake minynya', nampa la'binna nipareki kanrejawa nisapua siagang minynya'.

KALAPPASSANG 29:7

Nampa angngalleko minynya' upacara, patiriki nai' ri ulunna siagang minynyaki anjo Harun.

KALAPPASSANG 35:14

bangkeng lampu untu' passingarri siagang pakkakasa'na, lampu siagang minynya'na;

KAIMANGNGANG 2:1

Punna nia' tau assare koro'bang nipatala mae ri Batara, anjo koro'banga musti a'rupa labu' kaminang bajika, ia nitirikia siagang minynya' zaitun siagang nisarea kamanynyang rateanna.

LAMPA-LAMPANA 10:38

Nuassemmi angkanaya le'ba'mi Napile Allata'ala anjo Isa tu Nazaretka, naNapassareang RohNa Allata'ala siagang koasaNa mae ri Ia. Nuasseng tommi angkanaya le'ba'mi a'lampa mange-mange Isa anggaukangi kabajikanga; Naballeimi sa'genna a'jari baji' sikamma tau nasosoka setang, lanri niaki Allata'ala anrurungangi.

LAMPA-LAMPANA 4:27

Nasaba' memang, a'rappungammi sipa'bicara Herodes, Pontius Pilatus, sikamma tu tenaya naassengi Batara, siagang tu Israel anrinni ri kotaya. A'rappungammi ke'nanga ero' angngewai Isa, Ana' matangkasatTa, le'baka Kiangka' a'jari Karaeng Mappasalama'.

1 YOHANES 2:20

Mingka nutarimami RohNa Allata'ala, le'baka Napaturung Isa Almasi. Iaminjo saba'na nanuassemmo pangngajarang tojenga.

HAKING-HAKING 9:10

Nampa nakanamo anjo poko'-pokoka mae ri poko' araya, ‘Ikau a'jari karaenna ikambe.’

HAKING-HAKING 9:8

Nia' se're wattu na'rappungang poko'-pokoka untu' ampilei karaenna. Nakanamo ke'nanga ri poko' zaitun, ‘A'jarimako karaenna ikambe.’