HAKING-HAKING 9:6 - KITTA' MATANGKASA'

⁶ A'rappungammi sikontu tau ammantanga ri Sikhem siagang Bet-Milo. Nampa a'lampa ke'nanga mange ri poko' terpentin karamaka ri Sikhem. Anjoremmi niangka' Abimelekh ri ke'nanga a'jari karaeng.

HAKING-HAKING 9:6 ပူးပေါင်းရင်းမြစ်များ

1 KARAENG-KARAENG 12:1

A'lampai Rehabeam mange ri Sikhem, lanri sikontu ra'yaka ri Israel bageang wara' nia'mi a'rappungang anjoreng untu' angngangkaki a'jari karaeng.

1 KARAENG-KARAENG 12:20

Ri wattu nalangngere'na sikontu ra'ya' Israel angkanaya ammotere'mi Yerobeam battu ri Mesir, naundammi ke'nanga Yerobeam mae ri se'reang tampa' pa'rappungang nampa naangka' ke'nanga anjo Yerobeam a'jari karaeng Israel. Ra'ya' suku Yehuda mami bawang amminawang ri turunganna Daud.

1 KARAENG-KARAENG 12:25

A'jari karaennamo ri Israel, nakassakkimi Yerobeam kota Sikhem ri daera pa'monconganna Efraim, nampa ammantang anjoreng untu' sinampekang wattu. Nampa a'lampa pole battu anjoreng na nakassakki kota Pnuel.

YOSUA 24:26

Sikontu anjo hukkunga siagang paratorang-paratoranga natulisiki lalang ri Kitta' HukkunNa Allata'ala. Nampa angngalle se're batu lompo, na napaenteng irawanganna poko' kayu lompoa ri tampa' nisa'laka untu' Batara.

HAKING-HAKING 9:5

Nampa mange ri kamponna manggena ri Ofra. Anjoreng nabuno ngasemmi anjo tujupuloa sari'battanna irate ri se'reang batu. Mingka anjo ana' bungkona Gideon, niarenga Yotam, tena namminawang nibuno, lanri accokkoi.

HAKING-HAKING 9:7

Nalangngere'na Yotam anjo passalaka, mangemi ammenteng ri cappa'na Moncong Gerizim. Nampa akkio' mange ri yangaseng anjo taua, angkana, “Pilangngeria' ikau ngaseng tuniaka ri Sikhem, sollanna napilangngeri todong Allata'ala.