HAKING-HAKING 9:5 - KITTA' MATANGKASA'

⁵ Nampa mange ri kamponna manggena ri Ofra. Anjoreng nabuno ngasemmi anjo tujupuloa sari'battanna irate ri se'reang batu. Mingka anjo ana' bungkona Gideon, niarenga Yotam, tena namminawang nibuno, lanri accokkoi.

HAKING-HAKING 9:5 ပူးပေါင်းရင်းမြစ်များ

1 KARAENG-KARAENG 1:12

Erokki' sollanna salama' Salomo siagang kalenta. Jari kupakaingakki',

1 KARAENG-KARAENG 1:21

Punna tena kissare kaputusang, ma'nassa punna mateki', inakke siagang anakku lanipare' kammama' musu.”

2 KARAENG-KARAENG 10:17

Battuna ke'nanga mange anjoreng, nabunomi Yehu anjo sikontu bija pammanakanna Ahab, tena manna sitau nalappassang ammantang. Kajariang kabusu'mi anjo sikammaya situru' apa le'baka Napau Batara mae ri Elia.

2 KARAENG-KARAENG 10:7

Le'baki natarima ke'nanga anjo sura'na Yehu, nibunomi ri tutoa-toana tau jaia ri kota Samaria anjo tujupuloa ana' cucunna Ahab, nampa nipantama' ulunna ke'nanga ri karanjenga, nampa nikiring mange ri Yehu ri Yizreel.

2 KARAENG-KARAENG 11:3

Annang taungi sallona naparakai Yoseba anjo anaka lalang ri Balla'na Batara ri wattunna Atalya ammarenta salaku karaeng baine.

2 PATTOTTORANG 21:4

Ri wattunna kassa'mo nasa'ring Yehoram empoanna salaku karaeng, nasuro buno kabusu'mi sari'battanna siagang siapa are pagawe tinggina.

MATIUS 2:16

Naassenna Herodes angkanaya nitipui ri anjo tucara'deka accini' bintoeng niaka battu raya, tamakami larrona. Appasulu'mi parenta, assuro buno ngasengi sikontu ana'-ana' bura'ne niaka lalang ri Betlehem siagang ri ampi'-ampi'na, ia umuru' ruan taunga siagang irawangannaya. Anjo umuruka appakkaramulai nirekeng ri wattu pammumbana anjo bintoenga, situru' le'baka napau anjo tucara'deka accini' bintoeng.

MATIUS 2:20

Nakana anjo malaekaka, “Mate ngasemmi sikontu tau eroka ambunoi antu Anaka. Jari ambangung mako, allei antu Anaka siagang amma'Na siagang ammotere' mako mange ri Israel.”

HAKING-HAKING 6:11

Ri se'reang allo battumi malaeka'Na Batara ri kota Ofra. Nampa ammempo ri rawanganna poko' kayu terpentin, iamintu poko' kayuna Yoas, tu battu ri golonganna Abiezer. Nia' ana'na niareng Gideon, sitabang anjama ase gandung ri pammaccokang je'ne' anggoroka. Nagaukang cokko-cokkoi anjo jama-jamanna sollanna tena naniciniki ri anjo tu Midian.

HAKING-HAKING 6:24

Appare'mi Gideon se're tampa' pakkoro'bangngang anjoreng, nampa naareng “Batara Kabattuanna Kasalamakkanga.” Anjo tampa' pakkoro'bangnganga nia' iji ri Ofra, iamintu ri kotana tu Abiezer.

HAKING-HAKING 8:30

Nia' tujupulo ana' bura'nena, lanri jaina bainenna.

HAKING-HAKING 9:18

Mingka kamma-kamma anne nupassalasai bija pammanakanna manggeku. Nubuno ngasengi ana'na tujupulo sikali irate ri tompo' serea batu. Na Abimelekh ana'na manggeku battu ri baine atana. Mingka nuangka'mi a'jari karaeng ri Sikhem, kalanri nia'na passisambungang cera'na siagang ikau ngaseng.

HAKING-HAKING 9:2

“Pakkuta'nangang sai mae ri sikontu tau ammantanga ri Sikhem, kereanga la'bi baji': Niparentaya ri tujupuloa ana'na Gideon, yareka ri se'rea bawang tau? Piu'rangiang tongi ke'nanga angkana nia' ija passisambungang cerakku siagang ke'nanga.”

HAKING-HAKING 9:6

A'rappungammi sikontu tau ammantanga ri Sikhem siagang Bet-Milo. Nampa a'lampa ke'nanga mange ri poko' terpentin karamaka ri Sikhem. Anjoremmi niangka' Abimelekh ri ke'nanga a'jari karaeng.