HAKING-HAKING 9:43 - KITTA' MATANGKASA'

⁴³ Napa'rappungammi taunna Abimelekh, nampa napa'jari tallu pasukang. Le'baki anjo a'lampami ke'nanga mange ri koko-kokoa accokko. Ri wattunna nacini' tau niaka ri kotaya lamange ri kokoa assulu'mi ri paccokoanna nampa nabuno ke'nanga.

HAKING-HAKING 9:43 ပူးပေါင်းရင်းမြစ်များ

2 SAMUEL 18:2

Le'baki anjo nasuromi ke'nanga maju lalang tallung pammantangngang untu' a'bundu', massing-massing nipimping ri Yoab, Abisai andi'na Yoab siagang Itai battua ri Gat. Nakana karaenga ri ana' buana, “Inakke lamminawang todong siagang ikau ngaseng.”

HAKING-HAKING 9:42

Ammukona, appakkaramulami taua ri Sikhem ambokoi kotaya, ero' mae ri kokoa. Na nipabattuammo anjo kabaraka mae ri Abimelekh.

HAKING-HAKING 9:44

Lalang akkaro-karona Abimelekh siagang pasukanna ambunduki pakke'bu' lompona kotaya, anjo ruaya pasukanna maraenga naondang tommi nampa nabuno tau laria mae ri koko-kokoa.

1 SAMUEL 11:11

Ammukona, ri bari'basa'na, nabagemi Saul anjo taua a'jari tallu pasukang. Na ammumbanamo alloa, majumi ke'nanga ri tangnga-tangnga kemana tu Amon na nabunduki ke'nanga. Ri tenanapa nattangnga alloa nabetami tantarana Saul anjo musua. Sikamma tu Amon akkullea ta'lappasa' tassia'-siara'mi, sa'genna tenanniakka akkulle lari sipa'rua a'rurung.