HAKING-HAKING 9:27 - KITTA' MATANGKASA'

²⁷ A'lampami ke'nanga angngalle rappo anggoro', ri koko-koko anggoroka, nampa napare' je'ne' anggoro'. Nampa appare' ke'nanga passua'-suarrang. Angnganre-nganremi ke'nanga ri tampa' panynyombang rewataya, nasumpa-sumpai tojeng Abimelekh.

HAKING-HAKING 9:27 ပူးပေါင်းရင်းမြစ်များ

PAMMUJI 109:17

Nangai appasuluka kana attunra; boli'mi kamma kalenna nataba pattunra! Tena nangai assare barakka', boli'mi kamma natena barakka' untu' ia!

KALAPPASSANG 32:19

A'reppese'namo Musa mae ri anjo pakkemaanga, nacini'mi anjo sapi bulaenga siagang tau sitabanga a'joge'-joge'; sanna'mi larrona. Anjoreng memanji, iamintu ri bangkenna anjo monconga, napatappasa' anjo batu naeranga sa'genna ancuru' tassimbung-simbung.

KALAPPASSANG 32:6

Ammukona bari'basa' dudu, angngerammi tu Israel pirangkayu are olo'-olo' untu' a'jari koro'bang nitunu, na pirangkayu are pole untu' koro'bang passiamakkang. Ammempomi ke'nanga angnganre siagang angnginung, nampa ammenteng untu' assannang-sannang.

YEREMIA 25:30

Sikontu apa Kupaua mae ri kau, Yeremia, musti nupabattui. Paui mae ri ke'nanga angkana, ‘A'galatturuki sa'ranNa Batara battu ri suruga; battu ri pammantangngang matangkasa'Na a'gamarrung angngewai umma'Na. Sikontu panduduka ri tompo'na buttaya nalangngereki ammarrang rapang pajama anggoro' ammaccoka anggoro' ri tampa' panggilinganga.

DANIEL 5:23

Kipakatinggi kalenta mae ri Batara niaka ri suruga siagang baraniki' ansuro erangi antama' mangko'-mangko' le'baka nirampasa' battu ri Balla'Na Batara. Nampa ikatte siagang sikamma tumalompota, sikamma bainenta siagang baine piarata angnginungi battu ri anjo mangko'-mangkoka. Ammuji-mujiki' mae ri rewata-rewata nipareka battu ri bulaeng, pera', tambaga, bassi, kayu siagang batu, iamintu rewata-rewata tenaya nakkulle accini' yareka allangngere' yareka ammahang apa-apa. Tena kipakalompoi Allata'ala ampattantuai tallasatta siagang mateta siagang ampattantuai oloang katallassanta.

HOSEA 7:14

Tena nattojeng-tojeng ke'nanga appala' doang mae ri Nakke. Punna appala' doangi ke'nanga, napatappasaki kalenna naung ri katinroanga, siagang appiraungi ke'nanga sangkamma nagaukanga tau tenaya natappa' mae ri Nakke. Punna appala' doang ke'nanga untu' appala' gandung siagang anggoro', naloko'-lokoki kalenna ke'nanga sangkamma nagaukanga tu anynyombaya mae ri rewataya. Ma'nassa angngewa tojeng-tojengi ke'nanga ri Nakke!

HAKING-HAKING 16:23

Ri se'reang wattu a'rappungammi sikamma tukoasana tu Filistin. Eroki ke'nanga assua'-suara' siagang assare koro'bang mae ri Dagon, iamintu rewata nasombaya ke'nanga. Akkelong-kelommi ke'nanga angkana, “Nasaremaki' pammetang mae ri Simson, musunta!”

HAKING-HAKING 8:33

Ri matenamo Gideon, tenamo namajarre' tappa'na tu Israel mae ri Allata'ala. Anynyombami ke'nanga ri rewata-rewata Baal, siagang napare'mi anjo Baal-Berit a'jari rewatana ke'nanga.

HAKING-HAKING 9:26

Anjo wattua battumi Gaal, ana'na Ebed, ero' ammantang ri Sikhem siagang sikamma sari'battanna, na nipatappa'mo ke'nanga ri tau niaka ri Sikhem.

HAKING-HAKING 9:4

Nampa assaremi ke'nanga tujupulo doe' pera', naallea battu ri balla' panynyombanga ri Baal-Berit. Iaminjo doeka napake Abimelekh anggaji siapa are jaina tu ja'dala' untu' amminawang ri ia.

HAKING-HAKING 9:46

Nalangngere'na tau niaka lalang ri benteng Sikhem anjo kabaraka, antama'mi ke'nanga ri kali'bong rawanganna balla' panynyombang El-Berit untu' accokko.

1 SAMUEL 17:43

Nakanamo Goliat ri Daud, “Lanuapai anjo takkanga? Apa nucini' kongkonga' anne?” Nampa nahinamo anjo Daud lalang arenna sikamma rewatana ke'nanga.