HAKING-HAKING 8:26 - KITTA' MATANGKASA'

²⁶ Yangasenna anjo anting-antinga napassareang ke'nanga, nia' ruampulo kilo battala'na, tanirekengapi belo-belo maraenganga, kammaya rantea, kaeng ga'ga biasaya napake karaenna tu Midian, siagang rante niaka ri kallong untana ke'nanga.

HAKING-HAKING 8:26 ပူးပေါင်းရင်းမြစ်များ

ESTER 8:15

Le'baki anjo nabokoimi Mordekhai balla'na karaenga. Ammakei pakeang kalompoang gauka siagang keboka tanja'na, ammake juba lame butung battu ri kaeng lenang halusu' tanja'na, kammayatompa ammakei songko' bulaeng sannaka ga'gana. Akkiok-kio'mi taua ri kota Susan napakamma rannu.

PANGNGEBARANG 31:22

Kalenna ampareki tappere' pa'lapara'na; pakeanna kaeng lenang sannaka ga'gana.

YESAYA 3:18

Nia' se're wattu sallang naNaalle Batara sikamma anjo belo-belo niaka ri bai'-bainea ri Yerusalem, ia napattampo-tampoanga ke'nanga: passikko' ulu, ponto bangkeng, rante,

YEREMIA 10:9

Nilapisiki siagang bulaeng na pera' nieranga battu ri Spanyol siagang kota Ufas, yangasenna bate pare'na tucara'deka siagang panre bulaenga. Pakeanna battu ri kaeng lame butung toa siagang lame butung lolo cura'na, bate jamana tau cara'deka attannung baji'.

YEHEZKIEL 27:7

Sombala' siagang areng pammateinu battu ri kaeng lenang nipare', pare' Mesir, a'rupa-rupa sulanna. Tamaka alusu'na bahanna tenda-tendanu, kaeng battu ri Siprus, cura' lame butung.

LUKAS 16:19

“Nia' se're tau kalumanynyang. Sangnging care-care ka'jala' ballinna napake, siagang sangnging te'nena katallassang allo-allona.

YOHANES 19:2

Appare'mi surudadua se're songko' battu ri tangke-tangke kayu akkatintinga, nampa napataba irate ri ulunNa Isa. Le'baki anjo napipakeimi Isa juba cura' lame butung.

YOHANES 19:5

Assulu'mi Isa, ammake songko' akkatinting siagang juba cura' lame butung. Nakanamo Pilatus ri ke'nanga, “Cini'mi anjo Taua.”

PAPPICINI' 17:4

Anjo bainea ammakei baju lango-lango siagang eja toaya tanja'na, kammayatompa nibelo-beloi siagang belo-belo bulaeng, paramata, siagang mutiara. Na ri limanna nia' nata'gala' se're mangko' bulaeng rassia bonena siagang apa ra'masaka siagang kodi dudua, wassele' panggaukang bawanna.

PAPPICINI' 18:12

Tenamo amballi bulaenna, pera'na, paramatana, siagang mutiarana ke'nanga; kammayatompa kaeng lenang, kaeng lango-lango, sa'be, siagang kaeng eja toa; a'rupa-rupa kayu langkaraka nigappa, barang-barang gadinga siagang kayu-kayu ka'jalaka ballinna, tambagaya, bassia siagang batu laccu' keboka;

PAPPICINI' 18:16

nampa angkana, “Adudu, teai sipato' cilakana anne kota masahoroka! Biasana ammakei kaeng lenang, kaeng lango-lango siagang kaeng eja a'rinraya tanja'na; biasana rassi kalenna belo-belo bulaeng, paramata siagang mutiara!

HAKING-HAKING 8:21

Nakanamo Zebah siagang Salmuna, “Mae mako! Punna bura'neko lima kannanu ambunoi ikambe!” Jari nibunomi ke'nanga ri Gideon. Nampa naalle ngaseng Gideon belo-belo niaka ri kallong untana ke'nanga.

HAKING-HAKING 8:25

Appialimi ke'nanga angkana, “Baji'mi. Kipassareangi situlusu' pa'mai' mae ri kau.” Appaka'rammi ke'nanga kaeng, nampa massing battu ke'nanga ampadongkoki sikontu anting-anting narampasaka ke'nanga battu ri musua.

HAKING-HAKING 8:27

Iaminjo bulaenga napare' Gideon se're patung barhala. Nampa naboli' ri kamponna iamintu Ofra. Sikontu tu Israelka mange ngasemmi anjoreng anynyomba ri anjo patung barhalaya. Sa'genna tenamo najampangi Allata'ala, Batarana ke'nanga. Na iaminjo a'jari sanrapang sikko' mange ri Gideon siagang sikontu bija-bijanna.