HAKING-HAKING 7:5 - KITTA' MATANGKASA'

⁵ Naerammi Gideon anjo taunna mange ri binangaya. Nampa Nakana Batara ri Gideon, “Inai-nai allepaki je'neka sangkamma kongkong, musti nusa'laki battu ri tau akkulantuka untu' angnginung.”

HAKING-HAKING 7:5 ပူးပေါင်းရင်းမြစ်များ

1 KARAENG-KARAENG 17:13

Nakanamo Elia ri ia, “Teaki' bata-batai bu'! Kipare'mi anjo kanre untu' kanreta siagang anatta. Mingka la'bi riolo appare' maki' rolong sibatu roti ca'di battu ri anjo labuka siagang minynyaka, nampa kierang mae anrinni.

PAMMUJI 110:7

Langnginungi karaenga battu ri binanga biring aganga, ri le'ba'namo nipakagassing, ammetami.

HAKING-HAKING 7:4

Nakanamo pole Batara mae ri Gideon, “Jai duduiji taunnu. Erangi ke'nanga mange ri binangaya. Anjorempi naKupileangko, punna Kukana ri kau, ‘Anne taua musti a'lampai siagang ikau,’ musti a'lampai. Mingka punna Kukana, ‘Anne taua takkulleai a'lampa siagang ikau,’ takkulleai a'lampa.”

HAKING-HAKING 7:6

Jari nia' 300 tau allepaki je'neka battu ri limanna, maraenganga akkulantu' ngasengi angnginung.