HAKING-HAKING 7:4 - KITTA' MATANGKASA'

⁴ Nakanamo pole Batara mae ri Gideon, “Jai duduiji taunnu. Erangi ke'nanga mange ri binangaya. Anjorempi naKupileangko, punna Kukana ri kau, ‘Anne taua musti a'lampai siagang ikau,’ musti a'lampai. Mingka punna Kukana, ‘Anne taua takkulleai a'lampa siagang ikau,’ takkulleai a'lampa.”

HAKING-HAKING 7:4 ပူးပေါင်းရင်းမြစ်များ

PA'JARIANG 22:1

Siapa are wattu ribokoanganna Naso'rimi Allata'ala kajarrekanna tappa'na Abraham. Nakio'mi Allata'ala anjo Abraham angkana, “Abraham!” Appialimi Abraham angkana, “Iye' Batara.”

AYUB 23:10

Mingka Naassengi sikontu jappaku kammayatompa tunggala' dakkaku. Punna sanrapanga' bulaeng kuniuji, la'nyatami angkana ti'noki pa'maikku.

PAMMUJI 33:16

Teai lanri jaina tantarana nammeta karaenga, tena nasalama' surudadua lanri kagassinganna.

PAMMUJI 66:10

O, Allata'ala, le'ba'mi Kiso'ri ikambe sanrapang tau eroka ampakati'noki peraka lalang ri pepeka.

PAMMUJI 7:9

IKatte angngadeli umma' rupataua; Kisarea' kaadelang, o Batara, saba' tena kusala.

HAKING-HAKING 7:5

Naerammi Gideon anjo taunna mange ri binangaya. Nampa Nakana Batara ri Gideon, “Inai-nai allepaki je'neka sangkamma kongkong, musti nusa'laki battu ri tau akkulantuka untu' angnginung.”

1 SAMUEL 14:6

Nakanamo Yonatan ri anjo turungkaya, “Umba kimange ri balla' jagana anjo tu Filistin kapereka. Gassingka ero'ji Batara antulungki'. Nasaba' akkullei Nasare Batara pammetang taua, baji' napunna jai tau kammayatompa lalang sike'de'na tau.”

1 SAMUEL 16:7

Mingka Nakana Batara ri Samuel, “Teako lanri ga'gana tanja'na siagang tinggina pakkaleanna nupacciniki. Teai anjo Kukaerokia. Tena Kusangkamma rupataua angnganggara'. Rupataua accini' tanjaki, mingka iNakke atinna Kuciniki.”