HAKING-HAKING 7:21 - KITTA' MATANGKASA'

²¹ Massing ammantangi ke'nanga ri tampa'na ri tammulilina anjo tampa' kemaya. Na piti lari-lari ngasemmo anjo tantara nasuroa, ammarrang-marrang.

HAKING-HAKING 7:21 ပူးပေါင်းရင်းမြစ်များ

1 KARAENG-KARAENG 20:20

Massing nabunomi ke'nanga musu nadallekanga. Larimi tu Siria, na niondang ri tu Israel. Mingka ta'lappasaki Benhadad. Lari siagang jaranna, nirurungang ri siapa are tantarana a'jaranga.

2 PATTOTTORANG 20:15

nampa angkana, “O Karaeng mala'birikku siagang sikamma sari'battangku niaka hadere'. Angkanai Batara angkanaya teako tappu' minasai yareka teako mallakki andallekangi anjo tantara jaia. Nasaba' teai ikau la'bundu', passangalinna Allata'ala.

2 PATTOTTORANG 20:17

Tena nuparallu a'bundu' lalang ri anne pa'bundukanga. A'lampamako mange ri tampa' le'baka nipattantuangko siagang attayang mako anjoreng. Lanuciniki antekamma bateNa Batara assareko pammetang. He pandudu' Yehuda siagang Yerusalem, teako lussakki yareka teako mallakki. Antama' mako ri anjo pa'bundukanga, na Nasareko Batara pammetang!”

KALAPPASSANG 14:25

Napassala-salangi rodana karetaya sa'genna takkullea tapputara', sa'genna sanna' susana ke'nanga lamaju. Nakanamo tu Mesirka, “KalenNa Batara a'bundu' untu' tu Israel na nabaliangki'. Umba kilari battu anrinni!”

PANGNGEBARANG 28:1

Tau ja'dalaka lari nampa tena angngondangi, mingka tau lambusuka, barani sanrapang singa.

YESAYA 30:15

Nakana Batara Kaminang Tinggia, Allata'ala matangkasa'na Israel mae ri umma'Na, “Toba' mako siagang sannang mako, nulanipasalama'. Tappa' mako mae ri Nakke na nupakasannang pa'mai'nu, naKupakajarrekko.” Mingka taerokako!

YESAYA 30:7

Sia-siaji bantuanna Mesir. Lanri kammana anjo nigallara'mi Mesir, ‘Naga tenaya bahayana’.”

IBRANI 11:34

nabunoi pepe' lompoa, tassalai ke'nanga battu ri pattobo' pa'danga. Tena kagassinganna ke'nanga, mingka a'jari kassaki; porei ke'nanga lalang ri pa'bundukanga sa'genna nabeta ngaseng pasukang bansa maraenga.

HAKING-HAKING 7:20

Kammatommi anjo nagaukang anjo ruaya regu. Nampa naangka' ngasemmo siagang lima kairinna sikontu sulo naeranga ke'nanga. Kammayatompa natui' ngasemmi tarompe'na niaka ri lima kananna ngaseng ke'nanga. Nampa ammarrang ngaseng ke'nanga, “Pa'dang untu' Batara siagang untu' Gideon!”