HAKING-HAKING 7:20 - KITTA' MATANGKASA'

²⁰ Kammatommi anjo nagaukang anjo ruaya regu. Nampa naangka' ngasemmo siagang lima kairinna sikontu sulo naeranga ke'nanga. Kammayatompa natui' ngasemmi tarompe'na niaka ri lima kananna ngaseng ke'nanga. Nampa ammarrang ngaseng ke'nanga, “Pa'dang untu' Batara siagang untu' Gideon!”

HAKING-HAKING 7:20 ပူးပေါင်းရင်းမြစ်များ

YESAYA 27:13

Anjo wattua lanipasa'rai tarompe' lompoa untu' angkioki ammotere' sikontu tu Israel nipelaka mange ri Asyur siagang Mesir. Labattui ke'nanga Mange ri Yerusalem untu' anynyomba ri Batara, ri bulu' matangkasa'Na.

YEREMIA 47:6

Ammarrangko angkana, ‘Siapapi sallonu la'bundu', he pa'danNa Batara? Ammotere' mako antama' ri banoannu nampa ammantang mako anjoreng siagang sannang!’

1 KORINTUS 15:52

Tanisanna-sannayai nalakajariang silalonna, ri wattunna kala'busang assa'ra tarompeka. Nasaba' ri wattunna assa'ra anjo tarompeka, lanipattallasa' poleammi ammotere' tau matea a'jari tubu mannannungang, siagang lanipinra ngasengki'.

2 KORINTUS 4:7

Mingka anjo pa'barang-barangang rohani ga'gaya, ikambemi anne angngerangi, iami antu tubu tenaya anggaranna lanri buttaji nipare'. Lanri kammana, ma'nassami angkanaya anjo koasa malompoa niaki ri Allata'ala, jari tena nania' ri kambe.

1 TESALONIKA 4:16

Punna sallang naung KalenNa Isa battu ri suruga, lakkio' lompoi malaeka' lompoa siagang lanipasa'rai tarompe'Na Allata'ala untu' a'jari pammatei. Nampa nipabangung la'bi riolo tu Karistenga.

IBRANI 11:4

Lanri tappa'na, nanapassareang Habel koro'banga mae ri Allata'ala, iamintu koro'bang bajikanganga na koro'bang napassareanga Kain. Lanri ia anjo tappa'na, nanitarimamo Habel ri Allata'ala a'jari tau baji'; nasaba' ma'nassami angkana nitarimai ri Allata'ala koro'banna. Matemi Habel, mingka lanri anjo tappa'na, tuli a'bicarana ija sa'genna kamma-kamma anne.

YOSUA 6:16

Ri makapintujuna nainroi, kamma natui'na sikamma imanga tarompe'na, nasaremi kode Yosua sikontu pasukanga sollanna akkio' lompo. Nakana Yosua, “Napassareammi Batara anne kotaya mae ri kau!

YOSUA 6:20

Nampa natui'mo sikamma imanga tarompe'na. Na kamma nalangngere'na tu Israel anjo sa'ra tarompeka, akkio' lompo-lompomi ke'nanga, sa'genna runtummo tembo' kalli' kotana Yerikho. Tulusu'mi nai' sikontu tantara Israel, nampa antama' siagang naempoi anjo kotaya.

YOSUA 6:4

Tuju imang, massing angngerang tarompe' musti a'jappa ri dallekanna Patti Parjanjianga. Ri makatujuna alloa, ikau siagang tantaranu musti nuinroi anjo kotaya pintuju nampa sikamma imanga natui' ngasengi tarompe'na.

2 PETRUS 1:15

Jari lakuusahai sollanna manna pole matema', tuli lanuu'ranginna ammotere' yangasenna anne passalaka.

HAKING-HAKING 7:19

Ri la'birinnamo lantang bangngia, battumi Gideon siagang taunna mange anjoreng ri pa'baeng-baenna tampa' kemana musunna. Anjo wattua beru nisambei tau a'jagaya ri anjo tampa' kemaya. Nanatui'mo tarompe'na Gideon siagang tarompe'na sikontu tau niaka ri reguna, na nasungke tommo pammantangang sulona.

HAKING-HAKING 7:21

Massing ammantangi ke'nanga ri tampa'na ri tammulilina anjo tampa' kemaya. Na piti lari-lari ngasemmo anjo tantara nasuroa, ammarrang-marrang.

1 SAMUEL 11:11

Ammukona, ri bari'basa'na, nabagemi Saul anjo taua a'jari tallu pasukang. Na ammumbanamo alloa, majumi ke'nanga ri tangnga-tangnga kemana tu Amon na nabunduki ke'nanga. Ri tenanapa nattangnga alloa nabetami tantarana Saul anjo musua. Sikamma tu Amon akkullea ta'lappasa' tassia'-siara'mi, sa'genna tenanniakka akkulle lari sipa'rua a'rurung.