HAKING-HAKING 7:16 - KITTA' MATANGKASA'

¹⁶ Nampa nabage tallu Gideon anjo tallum bilangnganga taunna, a'jari tallu regu. Tase're-se're tau massing nisarei tarompe', siagang se're pammantangang sulo.

HAKING-HAKING 7:16 ပူးပေါင်းရင်းမြစ်များ

PA'JARIANG 14:15

Anjoreng nabagei taunna Abram a'jari siapa are pa'rappungang, nampa nabunduki anjo musua ri wattunna bangngi. Na nabetamo ke'nanga anjo musua. Naondammi ke'nanga anjo musua sa'genna mange ri Hoba, ri warakkanna kota Damsyik.

2 SAMUEL 18:2

Le'baki anjo nasuromi ke'nanga maju lalang tallung pammantangngang untu' a'bundu', massing-massing nipimping ri Yoab, Abisai andi'na Yoab siagang Itai battua ri Gat. Nakana karaenga ri ana' buana, “Inakke lamminawang todong siagang ikau ngaseng.”

2 KORINTUS 4:7

Mingka anjo pa'barang-barangang rohani ga'gaya, ikambemi anne angngerangi, iami antu tubu tenaya anggaranna lanri buttaji nipare'. Lanri kammana, ma'nassami angkanaya anjo koasa malompoa niaki ri Allata'ala, jari tena nania' ri kambe.

HAKING-HAKING 7:15

Nalangngere'na Gideon ri passala'na anjo so'naya siagang apa battuanna, su'ju'mi anynyomba ri Allata'ala. Nampa ammotere' mae ri tampa' kemana tu Israel. Nakanamo, “Sadia-sadia ngaseng mako! Nasareko pammetang Batara mae ri tantarana tu Midian!”

HAKING-HAKING 7:17

Nakanamo Gideon ri ke'nanga, “Punna battua' ri pa'baeng-baenna tampa' kemana tu Midianga parhatikang baji'-bajika'. Nampa nugaukang todong apa kugaukanga.

1 SAMUEL 11:11

Ammukona, ri bari'basa'na, nabagemi Saul anjo taua a'jari tallu pasukang. Na ammumbanamo alloa, majumi ke'nanga ri tangnga-tangnga kemana tu Amon na nabunduki ke'nanga. Ri tenanapa nattangnga alloa nabetami tantarana Saul anjo musua. Sikamma tu Amon akkullea ta'lappasa' tassia'-siara'mi, sa'genna tenanniakka akkulle lari sipa'rua a'rurung.