HAKING-HAKING 7:15 - KITTA' MATANGKASA'

¹⁵ Nalangngere'na Gideon ri passala'na anjo so'naya siagang apa battuanna, su'ju'mi anynyomba ri Allata'ala. Nampa ammotere' mae ri tampa' kemana tu Israel. Nakanamo, “Sadia-sadia ngaseng mako! Nasareko pammetang Batara mae ri tantarana tu Midian!”

HAKING-HAKING 7:15 ပူးပေါင်းရင်းမြစ်များ

PA'JARIANG 24:48

Su'ju'ma' anynyomba siagang mammuji ri Batara, Allata'alana karaengku Abraham. Iami ampimpinga' tulusu' mae anrinni, ri bija pammanakanna sari'battanna karaengku, sa'genna akkulle kubuntulu' anne tuloloa untu' ana'na.

PA'JARIANG 40:8

Appialimi ke'nanga angkana, “Ri bangngia massing asso'nai ikambe. Nampa tena tau angngassengi apa battuanna.” Nakanamo Yusuf, “Allata'alaji bawang akkulle assarei taua pakkulle untu' ampakasingaraki battuanna so'naya. Cobasai bedeng carita anjo so'nanu.”

PA'JARIANG 41:11

Ri se'reang bangngi, asso'nama' sipa'rua, nampa tanaassenga ikambe apa battuanna anjo so'naya.

HAKING-HAKING 3:28

Angkanami ri ke'nanga, “Amminawangko ri nakke. Nabetami Batara musu-musunnu iamintu tu battua ri Moab.” Jari naummi umma' Israel battu ri daera monconga, nipimpimmi ri Ehud. Nabetami nampa naalle ke'nanga tampa' pa'limbanganna tu battua ri Moab ri Binanga Yordan. Tena manna sitau anjo musunna ke'nanga nilappassang salama' a'limbang.

HAKING-HAKING 4:14

Nampa nakanamo Debora ri Barak, “Maju mako! Batara ampimpingko. Anne alloa Nasareko pammetang mae ri Sisera.” Jari naummi Barak battu ri Moncong Tabor, siagang anjo sampuloa sa'bu taunna.

HAKING-HAKING 7:11

Lanulangngereki sinampe' apa nabicaraya musunnu. Iaminjo lampa'jari baraniko untu' ambunduki.” A'lampami Gideon siagang Pura, mange ri pa'baeng-baenna kemana musua.

HAKING-HAKING 7:14

Appialimi aganna angkana, “Cecce, mattantu pa'danna Gideon, ana'na Yoas anjo tu Israelka! Battuanna nisaremi pammetang ri Allata'ala mae ri tu Midian siagang sikontu tantarata!”

HAKING-HAKING 7:16

Nampa nabage tallu Gideon anjo tallum bilangnganga taunna, a'jari tallu regu. Tase're-se're tau massing nisarei tarompe', siagang se're pammantangang sulo.

HAKING-HAKING 8:7

Nanakanamo Gideon, “Baji'mi! Sallang punna Nasarema' pammetang Batara mae ri Zebah siagang Salmuna, lakucambo' ngasengko cambo' katinting battua ri parang kassika!”

1 SAMUEL 1:28

na lanri kammana minjo nakupassareang anne anaka untu' a'jari Napatang Batara lalang sikontu tallasa'na.” Le'baki anjo assambayammi ke'nanga ri Batara.

1 SAMUEL 14:12

Nampa akkio' ke'nanga mae ri Yonatan siagang atanna angkana, “Naikko mae sollanna napaccinikangko ikambe se'reang apa-apa!” Nakanamo Yonatan ri anjo turungkaya, “Pinawanga', nasaba' Napassareammi Batara anjo ke'nanga mae ri tu Israel.”