HAKING-HAKING 7:1 - KITTA' MATANGKASA'

¹ Ri se'reang allo, bari'basa' dudumi ambangung Gideon, siagang taunna. A'lampai ke'nanga appare' kema ri ampi'na timbuseng je'neka ri Harod. Na ia kemana tu Midian niaki ri warakkanna ke'nanga, ri lappara' ambania ri Bulu' More.

HAKING-HAKING 7:1 ပူးပေါင်းရင်းမြစ်များ

PA'JARIANG 12:6

najappaimi Abram sikontu anjo pa'rasanganga sa'genna battu ri poko' kayu karama' ri More, iamintu tampa' panynyombanga ri Sikhem. (Anjo wattua nia' iji tu Kanaan ammantang ri anjo pa'rasanganga.)

PA'JARIANG 22:3

Ammukona bari'basa', ammisa'-misa'mi kayu Abraham untu' lanapake angngerang koro'bang nampa nasikko' anjo kayua irate ri dongko'na keledaina. A'lampami siagang Ishak kammayatompa rua surona mange ri tampa' Napaua Allata'ala ri ia.

PAMMUJI 83:9

Kammayatompa Asyur asse're tommi ke'nanga, a'jari mata-matana turunganna Lot.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

PAOLE 11:30

Anjo ruaya moncong niaki ri laukanna Binanga Yordan ri daerana tu Kanaan ammantanga ri Ka'bung Yordan, a'dalle' kalau' tena nabella battu ri poko'-poko' tampa' ibadaya ri More ri ampi'na kota Gilgal.)

YOSUA 3:1

Ammukona, ambangung bari'basa' dudumi Yosua siagang sikontu umma' Israel, nampa nabokoi tampa' pakkemaanna ke'nanga ri Sitim, siagang a'lampa mange ri Binanga Yordan. Anjoreng akkemami ke'nanga siagang attayammi wattu untu' a'limbang.

YOSUA 6:12

Ammukona ri bari'basa' dudua, ambangummi Yosua, nampa a'barrisi'mi makapinruanna sikamma imanga siagang tantaraya angnginroi anjo kotaya; susunna anjo barisanga sangkammai ri allo makase'rea: uru-uruna barisang pangawala' ri dallekang, nampa tujua patui' tarompe', nipinawang ri imang-imang a'buleka Patti Parjanjiang, nampa kala'busanna iamintu barisang pangawala' bageang ri bokoa. Lalang kammana anjo nipasa'ra turusmi tarompeka.

HAKING-HAKING 6:32

Lanri akkana Yoas, “Lappassammi na Baal kalenna angngewai Gideon, lanri nabongkara'na tampa' pakkoro'bangnganna.” Jari appakkaramulami anjo wattua nigallara'mi Gideon “Yerubaal”.

HAKING-HAKING 6:33

Anjo wattua asse're ngasemmi sikontu tu Midian, Amalek siagang suku-suku maraenganga ri parang kassi' timboranna Binanga Yordan. A'limbangi ke'nanga ri Binanga Yordan, nampa appare' kema ri Lappara'na Yizreel.

HAKING-HAKING 6:40

Anjo bangngia Nagaukammi Allata'ala anjo apa napalaka Gideon. Sa'genna ammukona bari'basa' kalotoroki anjo bulu gimbalaka, mingka buttana basai lanri je'ne' rammang.

HAKING-HAKING 8:29

Le'ba'namo anjo bunduka, ammotere'mi Gideon ri kamponna, nammantang anjoreng.

1 SAMUEL 12:11

Nampa Nasuromo Batara battu Gideon, nampa Barak, le'baki anjo Yefta, nampa kala'busanna inakke minne. Ikambemi massing allappassangko battu ri musunnu, sa'gennu tuli akkulle attallasa' siagang amang.

1 SAMUEL 29:1

Tu Filistin napa'rappungammi sikontu tantarana ri Afek, nampa tu Israel akkemai ri ampi'na timbuseng je'neka ri Lappara' Yizreel.