HAKING-HAKING 6:5 - KITTA' MATANGKASA'

⁵ Pila' sanna' jaina tu battu angngerangi olo'-olo'na siagang appare'mi kema ke'nanga, sanna' jaina. Punna lanirekengi sanna' sikali jaina ke'nanga, kammayatompa onta-ontana ke'nanga sanna' todong jaina. Battumi ke'nanga ampanra'-panraki anjo pa'rasanganna tu Israel.

HAKING-HAKING 6:5 ပူးပေါင်းရင်းမြစ်များ

KELONG MALA'BIRI' 1:5

Manna kule'leng, mingka ga'gai tanjakku, he tulolonna Yerusalem; le'leng rapang kema-kemana Kedar mingka ga'gai rapang gordeng-gordenna balla' lompona Salomo!

YESAYA 13:20

Manna sitau tania' ija lammantang anjoreng. Tena padete' tau Arab lampasangi kemana anjoreng ri tampaka, siagang tena pakalawaki langngerangi bembena siagang gimbala'na untu' a'ruku' anjoreng.

YESAYA 60:6

Nikatulungi pa'rasangannu ri unta jaia, battua ri Midian siagang Efa. Tu battua ri Syeba angngerangi bulaeng siagang kamanynyang, na napuji-puji gau'Na Batara.

YEREMIA 46:23

siagang ambattasaki romang lompo tenaya nakkulle nipantamakki. Tantara musua takkulleai nibilang siapa jaina, la'bi jaiangngangi nakatimbanga. INakke, Batara anne akkana.

YEREMIA 49:29

Alleangi sikamma olo'-olo'na, iamintu gimbala', unta, kammayatompa kema-kemana ke'nanga siagang sikontu bonena, siagang ammarrangko mae ri ke'nanga angkana, ‘Nikatulungko ri pammunoang!’

YEREMIA 49:32

Nakana pole Batara ri Nebukadnezar, “Alleangi sikamma untana siagang sikontu olo'-olo' piarana ke'nanga! Sikontu anjo tau nacukkuru' bodoa uu'na laKupasiaraki ri kere-keremae tampa'. LappabattuA' bala mae ri ke'nanga battu ri kere-keremae.

YEREMIA 51:14

Batara Kaminang Koasaya assumpai lanri areng KalenNa angkanaya lappabattui tau rapang katimbang jaina untu' ambunduki Babel, siagang akkio'-kioki ke'nanga napakamma rannu lanri ammetana.

PAOLE 28:33

Lanaalle ngasengi bansa maraeng sikontu wassele' nugappaya lanri anjama terasa'nu, nampa ikau tena apa-apa nugappa pantaranganna nijallakkanga situlusu'na siagang panggaukang nikapallakkia.

HAKING-HAKING 7:12

Anjo tu Midian, Amalek siagang tu battua ri parang kassika, tassia'-siaraki ri kere-kere mae anjoreng ri lapparaka. Sangkammai nicini' katimbang a'rappunganga. Unta-untana ke'nanga sanna' jaina sanrapang kassi' ri biring tamparang.

HAKING-HAKING 8:10

Lalanna anjo wattua nia'mi Zebah siagang Salmuna kammayatompa sikontu tantarana ri Karkor. Sikontuna anjo tantarana tu parang kassika nia' mamo 15.000 tassesa. Nia'mo 12.000 tantarana mate.

HAKING-HAKING 8:21

Nakanamo Zebah siagang Salmuna, “Mae mako! Punna bura'neko lima kannanu ambunoi ikambe!” Jari nibunomi ke'nanga ri Gideon. Nampa naalle ngaseng Gideon belo-belo niaka ri kallong untana ke'nanga.

1 SAMUEL 30:17

Ammukona, ri wattu ammumbana alloa, nibundukimi ke'nanga ri Daud, na sa'genna bangngi ke'nanga a'bundu'. Pantaranganna patambilangnganga tau rungka laria a'dongko' unta, tena manna sitau anjo musua akkulle ta'lappasa'.