HAKING-HAKING 6:39 - KITTA' MATANGKASA'

³⁹ Nakanamo ri Allata'ala, “Batara, teaKi' larroi punna a'bicara ija' pole. Boli'ma' kamma appare' pole se're pammatei siagang anne bulu gimbala' nigoncinga. Mingka kamma-kamma anne, ia anne bulu gimbalaka tuli kalotoro', nabuttana a'jari basa”.

HAKING-HAKING 6:39 ပူးပေါင်းရင်းမြစ်များ

PA'JARIANG 18:30

Nakanamo pole Abraham, “TeaKi' larroi Batara, pungku a'bicara ija. Antekamma punna tallumpuloji bawang tau?” Nakanamo Batara, “Punna nia' Kugappa tallumpulo tau talaKupa'jariai niakKu.”

PA'JARIANG 18:32

Kala'busanna nakanamo pole Abraham, “TeaKi' larroi Batara, sikali mama' la'bicara. Antekamma punna sampuloji bawang tau anjoreng?” Nakanamo Batara, “Punna nia' sampulo tau tena salana, talaKupanrakiai anjo kotaya.”

YESAYA 50:2

Angngapa namanna sitau ummakKu tania' appiali, wattungKu battu angkioki ke'nanga? Maka a'mereki ke'nanga lanri nakapangi angkana takkulleA' allappassangi siagang ampasalamaki ke'nanga? Sikontutojenna, lanri parentaKu na'jari kalotoro' tamparanga, sikamma binangaya Kupa'jari parang lompo, sa'genna mate ngaseng jukuka na'rasa parru.

MATIUS 21:43

Nakanamo pole Isa, “Jari u'rangi angkanaya, yangasenna ha'nu a'jari umma'Na Allata'ala lanialleangko ammotere', nampa nipassareang mae ri bansa maraenga, eroka anggaukangi ero'Na Allata'ala. [

MATIUS 8:12

Padahala' tau siratanga a'jari umma'Na Allata'ala nipelaki assulukang ri sassanga. Anjoremmi ke'nanga langngarru' siagang langkasiaki sessaya.”

LAMPA-LAMPANA 13:46

Mingka pila' baranimi Paulus siagang Barnabas a'bicara silambusu'na. Nakanamo ke'nanga, “Musti nipabattu memangi rolong kananNa Allata'ala mae ri kau ngaseng. Mingka lanri tenana nuero' antarimai, jari kalennu tommi ampattantui angkanaya tena nusiratang antarimai katallassang sitojennaya siagang satunggu-tunggua. Jari kamma-kamma anne kubokoi ngaseng mako, nampa a'lampa ikambe mae ri bansa maraenga.

LAMPA-LAMPANA 22:21

Mingka Nakanamo pole Batara mae ri nakke, ‘A'lampamako, nasaba' laKusuroko a'lampa mange ri tampa'-tampa' bellaya, mange ri bansa-bansa maraenga.’ ”

LAMPA-LAMPANA 28:28

Kala'busanna, nakanamo Paulus, “Musti nuasseng ngasengi sari'battang, angkanaya nipabattumi anne kabara' kasalamakkang battua ri Allata'ala mae ri bansa-bansa maraenga. Nalanapinawammo ke'nanga anne kabaraka!” [

HAKING-HAKING 6:38

Na kammaminjo kajarianna: Ri wattunna ambangung Gideon ammukona bari'basa', napacco'mi anjo bulu gimbalaka. Nia'mo je'ne' rammang nagappa simangko' jaina.

HAKING-HAKING 6:40

Anjo bangngia Nagaukammi Allata'ala anjo apa napalaka Gideon. Sa'genna ammukona bari'basa' kalotoroki anjo bulu gimbalaka, mingka buttana basai lanri je'ne' rammang.