HAKING-HAKING 6:33 - KITTA' MATANGKASA'

³³ Anjo wattua asse're ngasemmi sikontu tu Midian, Amalek siagang suku-suku maraenganga ri parang kassi' timboranna Binanga Yordan. A'limbangi ke'nanga ri Binanga Yordan, nampa appare' kema ri Lappara'na Yizreel.

HAKING-HAKING 6:33 ပူးပေါင်းရင်းမြစ်များ

PA'JARIANG 29:1

Napatulusu'mi jappana Yakub, a'lampa mange ri pa'rasangang bageang rayanganna Kanaan.

1 KARAENG-KARAENG 18:45

Poro sinampe' duduji sassammi langika, siagang sanna'mi sarrinna anging mammirika, nampa appakkaramulamo battu bosi sannaka lompona. Nai'mi Ahab ri karetana nampa ammotere' mange ri Yizreel.

1 KARAENG-KARAENG 21:1

Ri ampi'na balla' kakaraenganna Ahab ri Yizreel, nia' se're koko anggoro', niarenga Nabot patanna.

1 KARAENG-KARAENG 4:30

Ri sikamma pa'rasangang niaka bageang raya siagang ri Mesir tena tau cara'dekangngang naia.

1 PATTOTTORANG 5:19

A'bunduki ke'nanga siagang suku Yetur, Nafis, siagang Nodab, iamintu suku-suku niaka lalang ri bansa Hagri.

AYUB 1:3

Pantaranganna anjo jai suro-surona, nia' 7.000 gimbala'na, 3.000 untana, 1.000 sapinna, siagang 500 keledaina. Bodona kana, iami kaminang kalumanynyang ri sikontu pandudu' niaka bageang iraya.

PAMMUJI 3:1

Pammujina Daud, ri wattu larina battu ri ana'na, Absalom.

YEHEZKIEL 25:4

Lanri kammana anjo laKulappassangko nibeta ri suku-suku bansa battua ri parang rayangnganga. Lanabangungi ke'nanga kema-kemana ri pa'rasangannu nampa ammantang tuli anjoreng. Lanakanrei ke'nanga rappo-rappoannu siagang lanainungi ke'nanga dadi'na olo'-olo'nu.

HOSEA 1:5

Anjo wattua ri Ka'bung Yizreel laKuancuruki kagassinganna tantarana Israel.”

YOSUA 17:16

Appialimi anjo turunganna Yusuf angkana, “Tanggannakkai luara'na anjo daera pa'monconganga untu' ikambe, nampa anjo bansa Kanaan niaka ammantang ri lappara'-lappara' rawaya jai kareta bundu'na, bassia nipare', baji' niaka ammantang ri Bet-Sean siagang desa-desa niaka ri tammulilina, kammayatompa niaka ammantang ri Ka'bung Yizreel.”

YOSUA 19:18

Antamaya ri daerana ke'nanga iamintu: Yizreel, Khesulot, Sunem,

YOSUA 3:16

ammantang memammi silalonna a'lo'loro' je'ne'na anjo binangaya. Bellai, irate ri bageang ulunna anjo binangaya, asse'remi je'ne'na ri Adam, iamintu se'reang kota niaka ammantang ri ba'leanna kota Sartan. Anjo je'ne' a'lo'loroka mange ri Tamparang Matea ammantang taba sikali, sa'genna akkullemo bansa Israel a'limbang irate ri butta kalotoroka assidallekanga siagang kota Yerikho. Anjo sikamma imang-imang ambulekai anjo Patti Parjanjianga tuli ammentenna ri tangnga-tangngana binangaya sa'genna battu ngaseng anta'le sikontu umma' Israel.

HAKING-HAKING 6:3

La'biangampa anjo pole sitabang a'lamung-lamung tu Israel pamarria battumi tu Midian siagang tu Amalek, kammayatompa tu maraengannaya battu ri parang kassika ambunduki tu Israel.

HAKING-HAKING 7:1

Ri se'reang allo, bari'basa' dudumi ambangung Gideon, siagang taunna. A'lampai ke'nanga appare' kema ri ampi'na timbuseng je'neka ri Harod. Na ia kemana tu Midian niaki ri warakkanna ke'nanga, ri lappara' ambania ri Bulu' More.

HAKING-HAKING 7:24

Kammayatompa akkiring tommi kabara' mange ri sikontu daera monconna Efraim, angkana, “Naung ngaseng mako mae ambunduki tu Midian. Jagai Binanga Yordan siagang yangasenna kaloroka sa'genna Bet-Bara bellana. Teako lappassangi tu Midian a'limbang anjoreng.” Jari nipagio' tommi tu Efraim. Nampa najagai ke'nanga Binanga Yordan siagang sikontu kaloroka sa'genna mae ri Bet-Bara bellana.

HAKING-HAKING 7:8

Jari nasuromi Gideon ammotere' anjo sikontu tu Israel maraenga, pantaranganna anjo tau tallum bilangnganga. Sikontu bokonga siagang tarompe' niaka ri anjo tau ammotereka nialle ngasengi. Tu Midian niaki ri lapparaka, irawangang tampa' kemana tu Israel.