HAKING-HAKING 6:31 - KITTA' MATANGKASA'

³¹ Mingka angkanami Yoas mae ri ke'nanga, “Apaka agang maeko ri Baalka na nuero' angngalle-alleangi? Inai-nai agang mae ri Baal iami lanibuno anne alloa! Punna ma'nassa Allata'ala anjo Baal, lappassammi naia tommo kalenna larro, lanri nibongkara'na tampa' pakkoro'bangnganna.”

HAKING-HAKING 6:31 ပူးပေါင်းရင်းမြစ်များ

1 KARAENG-KARAENG 18:27

Ri attangnganamo alloa, appakkaramulami Elia ancau-caui ke'nanga angkana, “Pila' lompo-lompoi sa'rannu appala' doang! Sai iami allata'ala? Gassingka sitabangi nia' nanawa-nawa, yareka mangei atta'mea. Yareka sitabangi a'lampa. Yareka attinroi kapang, na parallu nuronrong!”

1 KARAENG-KARAENG 18:29

Kammaminjo situlusu'na nagaukang ke'nanga sa'genna karueng, sangkamma nicini' tunisoso' ri setang. Mingka tena appiali ri ke'nanga, tena amparhatikangi.

1 KARAENG-KARAENG 18:40

Jari nakanamo Elia, “Jakkala' ngasengi anjo na'bi-na'bi Baal! Teako lappassangi nia' ta'lappasa' manna sitau!” Nampa nijakkala' ngasemmo anjo na'bi-na'bia ri anjo taua. Nampa nierang anjo na'bi-na'bi Baal ri Elia mange ri Binanga Kison, nanabuno ngaseng ke'nanga anjoreng.

KALAPPASSANG 23:2

Teako katuru'-turukangngi mae ri tau jaia punna a'gau' ja'dala' ke'nanga yareka napalekko salai hukkunga lanri assarena kasa'biang takontutojeng.

YESAYA 41:23

Paumi apa lakajarianga, sollanna naasseng ikambe angkana ma'nassa batara tojengko. Gaukammi a'matu-matua yareka appakarugia, sollanna lannasa' ikambe anciniki.

YESAYA 46:1

Iaminne kale'bakkanna rewata-rewata Babel; riolo nisombai patung Bel, siagang Nebo, mingka kamma-kamma anne nipatekeki ri olo'-olo' a'jari erangang mae ri olo'-olo' posoa.

YESAYA 46:7

Anjo patunga napakui nampa naboli' ri tampa'na, ammenteng anjoreng takkullea a'lette'. Punna appala' doang taua ri ia, tappialiai, natena napasalamaki taua battu ri kasusaanna.

YEREMIA 10:11

Ikau ngaseng, he ummaka, musti nupauangi ke'nanga angkanaya lanipanraki anjo sikamma rewata-rewata tenaya napa'jari langika siagang buttaya. Lanipa'lanynyaki ke'nanga battu ri tompo'na buttaya.)

YEREMIA 10:5

Anjo patung-patung barhalaya rapangi tau-tau ri koko bonteka. Takkulleai ke'nanga a'bicara, takkulleai a'dakka, siagang musti niangkaki. Teako mallakki mae ri ke'nanga, nasaba' takkulleai ke'nanga a'gau' ja'dala' mae ri kau; manna a'gau' bajika tanakullei ke'nanga.”

PAMMILANGNGANG 14:6

Yosua ana'na Nun siagang Kaleb ana'na Yefune, rua tau battu ri anjo mata-mataya, nakekkeki pakeanna ke'nanga pammateinna angkana susai ke'nanga.

1 KORINTUS 8:4

Ri passala'na nikanaya angnganre kanre le'bakamo nipassareang mae ri barhalaya sikontutojenna anjo barhalaya apa tena nanikana nia'. Iaji niasseng angkanaya se'reji Allata'ala; tena ruanna.

EFESUS 5:11

Teako katuru'-turukangi ri taua anggaukangi gau'-gau' tenaya matu-matunna nagaukanga tau ammantanga lalang ri kasassanganga. Passangalinna parallui nusolarri gau'-gau' kammaya anjo. (

HAKING-HAKING 6:30

Nakanamo ke'nanga mae ri Yoas, “Le'baki nabongkara' ana'nu tampa' pakkoro'bangnganna Baal. Siagang narumbang tongi benteng kalompoanna Dewi Asyera niaka ri ampi'na anjo tampa' pakkoro'bangnganga. Lanri kammana, erangi assulu' anjo ana'nu. Musti nibunoi!”

HAKING-HAKING 6:32

Lanri akkana Yoas, “Lappassammi na Baal kalenna angngewai Gideon, lanri nabongkara'na tampa' pakkoro'bangnganna.” Jari appakkaramulami anjo wattua nigallara'mi Gideon “Yerubaal”.

1 SAMUEL 12:11

Nampa Nasuromo Batara battu Gideon, nampa Barak, le'baki anjo Yefta, nampa kala'busanna inakke minne. Ikambemi massing allappassangko battu ri musunnu, sa'gennu tuli akkulle attallasa' siagang amang.