HAKING-HAKING 6:30 - KITTA' MATANGKASA'

³⁰ Nakanamo ke'nanga mae ri Yoas, “Le'baki nabongkara' ana'nu tampa' pakkoro'bangnganna Baal. Siagang narumbang tongi benteng kalompoanna Dewi Asyera niaka ri ampi'na anjo tampa' pakkoro'bangnganga. Lanri kammana, erangi assulu' anjo ana'nu. Musti nibunoi!”

HAKING-HAKING 6:30 ပူးပေါင်းရင်းမြစ်များ

YEREMIA 26:11

Nakanamo sikamma imanga siagang na'bi-na'bia ri sikamma anjo pagawe-pagawe pamarentaya siagang ra'yaka, “Anne taua siratangi nihukkung mate, lanri le'baki appasulu' kana-kana ambaliangi anne kotata. Kau ngaseng kalennu le'ba'mi nulangngere'.”

YEREMIA 50:38

Kalotori sikontu binangana siagang kokonna! Nasaba', Babel rassi barhala appakaringi'-ringi', ampa'jari pongoroki sikamma tau anynyombaya ri ia.

YOHANES 16:2

Lanipasulukko sallang battu ri balla' sambayanga. Nalanarapiki sallang wattunna nania' tau nakana kalenna a'gau' amala' ri Allata'ala punna nabunoko.

LAMPA-LAMPANA 26:9

Uru-uruna, manna inakke kukana tonja musti nigaukangi sikamma apa nikullea nigaukang angngewai anjo Isa battua ri Nazaret.

FILIPI 3:6

Ba'lalo, lanri lompona sumangakku, sa'genna kusessamo anggota jama'aka. Punna niciniki battu ri passala' hukkung-hukkung agama Yahudia, inakkemi tau baji' siagang tena callangku.

HAKING-HAKING 6:29

Massing sikuta'nammi ke'nanga angkana, “Inai anggaukangi anjo?” Ri le'ba'namo nisalidiki, niassemmi angkanaya Gideon, ana'naya Yoas anggaukangi.

HAKING-HAKING 6:31

Mingka angkanami Yoas mae ri ke'nanga, “Apaka agang maeko ri Baalka na nuero' angngalle-alleangi? Inai-nai agang mae ri Baal iami lanibuno anne alloa! Punna ma'nassa Allata'ala anjo Baal, lappassammi naia tommo kalenna larro, lanri nibongkara'na tampa' pakkoro'bangnganna.”