HAKING-HAKING 6:28 - KITTA' MATANGKASA'

²⁸ Ri wattunna ambangung ri bari'basa'na tummantanga anjoreng ri kotaya nacini'mi rumbammi anjo tampa' pakkorobangnganga untu' barhala Baal siagang bentenna anjo barhala Dewi Asyera. Nacini' tommi ke'nanga angkanaya nia'mo le'ba' nibangung anjoreng ri tampaka se're tampa' pakkoro'bangngang. Na nia' tompa le'ba' nitunu sapi laki untu' a'jari koro'bang.

HAKING-HAKING 6:28 ပူးပေါင်းရင်းမြစ်များ

2 KARAENG-KARAENG 18:4

Naputtai tampa'-tampa' panynyombanga mae ri rewataya, siagang naruntungi tembo'-tembo' siagang patung-patung Dewi Asyera. Naancuru' tongi ulara' tambagaya bate pare'na Musa niarenga Nehustan. Nasaba', sa'genna anjo wattua tuli attunu iji dupa tu Israel untu' ampakalompoi anjo ulara' tambagaya.

HAKING-HAKING 6:27

Napileimi Gideon sampulo tau atanna, nampa a'lampa mange anggaukangi apa Naparentakanga Batara mae ri ia. Mingka lanri malla' duduna mae ri bija-bijanna siagang mae ri sikamma tu niaka ri anjo desaya. Tena nabarani anggaukangi anjo ri wattu singara'na alloa jari nagaukang bangngimi.

HAKING-HAKING 6:29

Massing sikuta'nammi ke'nanga angkana, “Inai anggaukangi anjo?” Ri le'ba'namo nisalidiki, niassemmi angkanaya Gideon, ana'naya Yoas anggaukangi.

1 SAMUEL 7:9

Lanri kammana, ammolommi Samuel sikayu ana' gimbala' rungka, nampa nakoro'bangkang sipa'gang a'jari koro'bang nitunu untu' Batara. Le'baki anjo appala' doammi sollanna Natulung Batara tu Israel. Na nitarimamo pappala' doanna.