HAKING-HAKING 6:27 - KITTA' MATANGKASA'

²⁷ Napileimi Gideon sampulo tau atanna, nampa a'lampa mange anggaukangi apa Naparentakanga Batara mae ri ia. Mingka lanri malla' duduna mae ri bija-bijanna siagang mae ri sikamma tu niaka ri anjo desaya. Tena nabarani anggaukangi anjo ri wattu singara'na alloa jari nagaukang bangngimi.

HAKING-HAKING 6:27 ပူးပေါင်းရင်းမြစ်များ

PAMMUJI 112:5

Mate'nei tau lammoro' pa'maika siagang tau nangaia appapiinrang kammayatompa tau lambusuka lalang sikontu urusang.

MATIUS 16:24

Nampa Nakana Isa mae ri ana'-ana' gurunNa, “Tau eroka amminawang ri Nakke takkulleai tanapariboko kaparalluang kalenna, nanapisang salli'na, nampa amminawang tuli ri Nakke.

YOHANES 15:14

Ikau ngasemmi antu passari'battangangKu, punna nugaukangi apa Kuparentakanga ri kau.

YOHANES 2:5

Mingka nakanamo amma'Na Isa ri pala'-palayanga, “Gaukang mami apa Napassuroanga ri kau ngaseng.”

YOHANES 3:2

Nia' se're wattu nabattu bangngi mange ri Isa. Nakana ri Isa, “Bapa' Guru, niassemmi angkanaya Allata'ala assuroKi' battu. Nasaba' tenanniakka manna sitau akkulle anggaukangi gau' appakalannasa' sangkamma le'baka Kigaukang, punna tena nanirurungangi ri Allata'ala.”

GALATIA 1:16

Napappiassengammi Ana'Na Allata'ala mae ri nakke; sollanna akkulle kubirittakang anjo Kabara' Baji' ri sesena Ana'Na, mae ri bansa-bansa maraenga. Anjo wattua tena ku'lampa appala' pappitangara' manna ri nai.

PAOLE 4:1

Nampa nakana Musa mae ri anjo bansaya, “Turuki sikontu hukkung kupangngajarranga mae ri kau ngaseng, sollannu attallasa' sa'genna nupammantangngi anjo butta laNapassareanga Batara, Allata'alana boe-boenu, mae ri kau.

1 TESALONIKA 2:4

Teai kammaya anjo! Tena na'bicara ikambe lanri ero'na napakasannang nyawana taua, passangalinna lanri ero'na ikambe ampakasannangi atinNa Allata'ala, angngassengai atinna ikambe. Nasaba' Iami assarei pangngellai ikambe untu' ampa'la'bangi anjo Kabara' Bajika.

HAKING-HAKING 6:26

Nampa nupaenteng irateanganna se're tampa' pakkoro'bangngang ia le'baka nirancana baji'. Nampa nutunu akkayu anjo sapi lakia, untu' a'jari koro'bang mae ri Batara. Anjo bentenna barhala Dewi Asyera le'baka nurumbang, nupare' kayu tunuang.”

HAKING-HAKING 6:28

Ri wattunna ambangung ri bari'basa'na tummantanga anjoreng ri kotaya nacini'mi rumbammi anjo tampa' pakkorobangnganga untu' barhala Baal siagang bentenna anjo barhala Dewi Asyera. Nacini' tommi ke'nanga angkanaya nia'mo le'ba' nibangung anjoreng ri tampaka se're tampa' pakkoro'bangngang. Na nia' tompa le'ba' nitunu sapi laki untu' a'jari koro'bang.