HAKING-HAKING 6:24 - KITTA' MATANGKASA'

²⁴ Appare'mi Gideon se're tampa' pakkoro'bangngang anjoreng, nampa naareng “Batara Kabattuanna Kasalamakkanga.” Anjo tampa' pakkoro'bangnganga nia' iji ri Ofra, iamintu ri kotana tu Abiezer.

HAKING-HAKING 6:24 ပူးပေါင်းရင်းမြစ်များ

PA'JARIANG 12:7

Napappicinikammi KalenNa Batara mae ri Abram na Nakana ri ia, “Iaminne pa'rasangang laKupassareanga mae ri sossorannu.” Nampa ambangummo Abram se're tampa' pakkoro'bangngang anjoreng untu' Batara, ia le'baka ampappicinikangi KalenNa mae ri ia.

PA'JARIANG 12:8

Le'baki anjo napatulusu'mi jappana a'lampa timboro', ri daera a'bontoa irayanganna kota Betel nampa akkema ri alla'na kota Betel siagang kota Ai. Betel ilaukang siagang Ai irayangngang. Ambangung tommi anjoreng tampa' pakkoro'bangngang nampa anynyomba ri Batara.

PA'JARIANG 22:14

Naaremmi Abraham anjo tampaka “Napasadiai Batara apa niparalluanga.” Na sa'genna kamma-kamma anne tuli nakanana taua “Irate ri bulu'Na Napasadiai Batara apa niparalluanga”.

PA'JARIANG 33:20

Nampa ambangung tampa' pakkoro'bangngang anjoreng ri tampaka. Naaremmi “El, Allata'alana Israel”.

2 SAMUEL 24:25

Le'baki anjo ambangummi Daud tampa' pakkoro'bangngang untu' Batara anjoreng, siagang assaremi koro'bang nitunu kammayatompa koro'bang passiamakkang. Niturukiammi pappala' doanna Daud ri Batara, nampa ammarimo anjo garringa ri Israel.

1 KARAENG-KARAENG 18:32

Iaminjo batu-batua napake Elia ambangungi ammotere' tampa' pakkoro'bangngang passambayanganga mae ri Batara. Ri tammulilina anjo tampa' pakkoro'bangnganga angngekemi solongang lompoa sike'de' sa'genna akkulle angngalle je'ne' kira-kira sampulo allima litere' jaina.

EZRA 3:2

Nampa Yesua ana'na Yozadak siagang sikamma agang-aganna sikamma imanga, Zerubabel ana'na Sealtiel siagang sikamma bija pammanakanna, nabangummi ammotere' tampa' pakkoro'bangnganga untu' Allata'alana tu Israel. Lanri kammana akkullemi ke'nanga attunu koro'bang irateanna, situru' sikamma pitunju' niaka tattulisi' lalang ri kitta' hukkunna Musa, atanNa Allata'ala.

KALAPPASSANG 17:15

Nampa appaentemmo Musa se're tampa' pakkoro'bangngang na naareng “Batarami Banderaku”.

YEREMIA 23:6

Punna ammarentai, lasalamaki tu Yehuda, siagang tu Israel lattallasaki siagang amang. Anjo karaenga lanigallaraki ‘Batara Kasalamakkanta’.

YEREMIA 33:16

Tu Yehuda siagang pandudu'na Yerusalem lanipasalamaki siagang laamangi lalang tallasa'na. Kota Yerusalem laniarengi ‘Batara Tumappasalamatta’.

YEHEZKIEL 48:35

Sikontu anjo temboka la'buna 9 kilometere'. Na appakkaramula anjo wattua anjo kotaya naaremmi taua: “BATARA NIAKI ANJORENG!”

PAMMILANGNGANG 26:30

Golongang Iezer, Helek,

YOSUA 22:10

Ri wattunna battu suku Ruben, suku Gad siagang suku Manasye bageang irayaya mange ri Gelilot – bageang lau'na iji Binanga Yordan – ambangummi ke'nanga se're tampa' pakkoro'bangngang lompo siagang gammara' ri ampi'na binangaya.

HAKING-HAKING 21:4

Ammukona, bari'basa' dudu, appaentemmi umma' Israel se're tampa' pakkoro'bangngang anjoreng, nampa assare koro'bang ke'nanga mae ri Batara iamintu koro'bang nitunu siagang koro'bang passiamakkang.

HAKING-HAKING 6:23

Mingka angkanami Batara mae ri ia, “Pakasannangi nyawanu! Teako mallaki. Tena nulamate.”

HAKING-HAKING 8:27

Iaminjo bulaenga napare' Gideon se're patung barhala. Nampa naboli' ri kamponna iamintu Ofra. Sikontu tu Israelka mange ngasemmi anjoreng anynyomba ri anjo patung barhalaya. Sa'genna tenamo najampangi Allata'ala, Batarana ke'nanga. Na iaminjo a'jari sanrapang sikko' mange ri Gideon siagang sikontu bija-bijanna.

HAKING-HAKING 8:32

Ri wattu toa dudunamo umuru'na nampami mate Gideon. Anjorengi ri jera'na Yoas, iamintu jera'na manggena, nitarawang. Anjo jeraka anjorengi ri Ofra tampa'na, iamintu ri kotana tu Abiezer.

1 SAMUEL 14:35

Nampa appaenteng Saul tampa' pakkoro'bangngang untu' Batara; iaminjo uru-uru tampa' pakkoro'bangngang napaentenga.

1 SAMUEL 7:17

Punna le'baki anjo tuli ammotereki mange ri balla'na ri Rama. Anjoreng a'jari hakingi ri tu Israel, siagang pole ambangung tongi pole se're tampa' pakkoro'bangngang untu' Batara.