HAKING-HAKING 6:15 - KITTA' MATANGKASA'

¹⁵ Appialimi Gideon angkana, “Angngapa, na inakke Batara? Maka inakke lakkulle allappassangi umma' Israel battu ri kakoasanna tu Midian? Lalang ri suku Manasye, golongangkumi kaminang lamma. Na ilalang ri bija pammanakangku, inakkemi kaminang tuna.”

HAKING-HAKING 6:15 ပူးပေါင်းရင်းမြစ်များ

PA'JARIANG 32:10

Tena kusiratang langgappai pangngamaseanTa siagang tamamminraTa ri pa'mai' ia le'baka Kipa'butti mae ri nakke. Ri wattungku a'lampa allimbangi Binanga Yordan, tena apa-apa kuerang pantaranganna takkang. Kamma-kamma anne battuma' ammotere' lalang anne ruaya pammantangngang.

KALAPPASSANG 3:11

Mingka nakanamo Musa ri Allata'ala, “Inai tonga' anne inakke, sa'gengku akkulle andallekang ri karaenga siagang angngerangi bansa Israel assulu' battu ri Mesir?”

KALAPPASSANG 4:10

Mingka nakanamo Musa, “Iye' Batara, mingka inakke teaiya' tau cara'de' a'bicara, baji' nariolo kammayatompa kamma-kamma anne, ri le'ba'namo Batara a'bicara mae ri nakke. Battala' sikali lilaku, salloi bateku a'bicara siagang tena nalaccu'.”

YEREMIA 1:6

Appialia' angkana, “O Batara Kaminang Tinggia, inakke tena kucara'de' a'bicara lanri rungka dudu ija'.”

YEREMIA 50:45

Lanri kammana anjo, pilangngeri apa le'baka Kurancanakang mae ri kota Babel, siagang apa ero' Kugaukang mae ri pandudu'na. Manna ana'-ana'na ke'nanga lanire'resang todong a'lampa, na kabusu'na taua a'jari malla' ngasengi.

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

LUKAS 1:34

Nakanamo Maria ri malaekaka, “Mingka tulolo ija', antekamma lakkulle lakajariang anjo kipakkanaya?”

1 KORINTUS 15:9

Inakkemi suro kaminang tunaNa Batara. Tena nakusiratang nigallara' tunisuro, nasaba' le'baki kusessa jama'aNa Allata'ala.

EFESUS 3:8

Ri sikontu umma'Na Allata'ala, inakkemi anne kaminang tuna. Mingka Nasarema' Allata'ala anne pangngamaseanga: Iamintu jama-jamang untu' ambirittakangi mae ri bansa-bansa maraenga Kabara' Bajika, iamintu kakalumanynyanganNa Almasi tenaya la'busu'na;

HAKING-HAKING 6:11

Ri se'reang allo battumi malaeka'Na Batara ri kota Ofra. Nampa ammempo ri rawanganna poko' kayu terpentin, iamintu poko' kayuna Yoas, tu battu ri golonganna Abiezer. Nia' ana'na niareng Gideon, sitabang anjama ase gandung ri pammaccokang je'ne' anggoroka. Nagaukang cokko-cokkoi anjo jama-jamanna sollanna tena naniciniki ri anjo tu Midian.

1 SAMUEL 18:23

Mingka napabattuna ke'nanga anjo pikkiranga mae ri Daud, appialimi Daud angkana, “Nukana gampangi nikanaya a'jari mintunna karaenga? Sai inakke anne tu kasi-asia' siagang tau tena anggarangku!”

1 SAMUEL 9:21

Appialimi Saul angkana, “Inakke anne tau battua' ri suku Benyamin, suku kaminang ca'dia ri Israel, kammayatompa pole kaluarga kaminang tenaya anggaranna lalang ri anjo sukua. Jari angngapa nakiakkana kamma anjo mae ri nakke?”