HAKING-HAKING 6:14 - KITTA' MATANGKASA'

¹⁴ Jari nisaremi parenta Gideon ri Batara, angkanaya “Lalang ri sikontu kagassingannu a'lampamako mange allappassangi tu Israelka battu ri kakoasanna tu Midian. INakkemi assuroko.”

HAKING-HAKING 6:14 ပူးပေါင်းရင်းမြစ်များ

KALAPPASSANG 3:10

Kamma-kamma anne Kusuroko untu' mange andallekang ri Karaeng Mesir sollanna akkulle nupimping bansaKu assulu' battu ri anjo pa'rasanganga.”

IBRANI 11:32

Jari, akkullei jai pole lakubicara, mingka tagannakkai wattungku. Nasaba' tenapa nakurapiki kupau Gideon, Barak, Simson, Yefta, Daud, Samuel, siagang na'bi-na'bia.

IBRANI 11:34

nabunoi pepe' lompoa, tassalai ke'nanga battu ri pattobo' pa'danga. Tena kagassinganna ke'nanga, mingka a'jari kassaki; porei ke'nanga lalang ri pa'bundukanga sa'genna nabeta ngaseng pasukang bansa maraenga.

HAKING-HAKING 13:3

Mingka ri se'reang allo nia'mo malaeka'Na Batara ampappicinikangi kalenna mae ri ia. Nakanamo anjo malaekaka ri ia, “Anne siapaya sallona tena nukkulle anggappa ana'. Mingka tenamo nasallo nulatianang, nunggappa sitau ana' bura'ne.

HAKING-HAKING 4:6

Ri se'reang allo, nasuro kio'mi tu niarenga Barak, ana'naya Abinoam, battua ri kota Kedes, ri daera Naftali. Nampa nakanamo ri Barak, “Iaminne parentaNa Batara, Allata'alana tu Israel mae ri kau: ‘Passe'rei 10.000 jaina tu bura'ne battua ri suku Naftali siagang suku Zebulon. Nampa nuerang ke'nanga mange ri Moncong Tabor.

HAKING-HAKING 6:11

Ri se'reang allo battumi malaeka'Na Batara ri kota Ofra. Nampa ammempo ri rawanganna poko' kayu terpentin, iamintu poko' kayuna Yoas, tu battu ri golonganna Abiezer. Nia' ana'na niareng Gideon, sitabang anjama ase gandung ri pammaccokang je'ne' anggoroka. Nagaukang cokko-cokkoi anjo jama-jamanna sollanna tena naniciniki ri anjo tu Midian.

HAKING-HAKING 6:36

Nampa nakanamo Gideon ri Allata'ala, “Batara, iKatte le'ba' angkana erokKi' ampakea' untu' allappassangi umma' Israel.

1 SAMUEL 12:11

Nampa Nasuromo Batara battu Gideon, nampa Barak, le'baki anjo Yefta, nampa kala'busanna inakke minne. Ikambemi massing allappassangko battu ri musunnu, sa'gennu tuli akkulle attallasa' siagang amang.