HAKING-HAKING 6:13 - KITTA' MATANGKASA'

¹³ Appialimi Gideon angkana, “Kipammopporanga' Batara! Punna kontutojeng angkanaya nirurungangi ikambe ri Batara, angngapa nania' ngaseng anne kammaya antujui ikambe? Kemaeji anjo sikontu le'baka Nagaukang Batara riolo, siagang nacaritaya boe-boena ikambe antekamma bateNa Batara ampasuluki ke'nanga battu ri Mesir? Kamma-kamma anne nibokoimi ikambe ri Batara. Nabalang parekammaki' nikoasai ri bansa Midian.”

HAKING-HAKING 6:13 ပူးပေါင်းရင်းမြစ်များ

PA'JARIANG 25:22

Attianammi ana' akkambara'. Ri tenanapa nalassu' anjo ana'-anaka, assilutturu'mi ke'nanga lalang ri battanna. Nakanamo Ribka, “Angngapa namusti kajariang anne kammaya ri kalengku?” Nampa appala'mo pitunju' mae ri Batara.

2 PATTOTTORANG 15:2

sa'genna a'lampa mange assicini' siagang Karaeng Asa, nampa nakana, “He Karaeng Asa, siagang ikau ngaseng sikontu pandudu' Yehuda siagang Benyamin! Pilangngeri anne! A'reppeseki Batara punna a'reppesekko mae ri Ia. Punna appalakko pangngunju' ri Batara, laNasareko. Mingka punna tena numanjampangi ri Ia, tena todong nalaNajampangiko.

PAMMUJI 27:9

teaKi' accokkoi battu ri nakke.” TeaKi' larroi siagang teaKi' tollaki atanTa, saba' iKattemi le'ba' antulunga'. TeaKi' pelakkia' yareka teaKi' bokoia', o, Allata'ala, Tumappasalamakku.

PAMMUJI 44:1

Pammujina golongang Korah. Kelong pangngajarang. Untu' pamimping pakelong.

PAMMUJI 44:2

O, Allata'ala, kalenna ikambe allangngereki, riwaya' nacaritaya boe-boena ikambe ri passala' gau' malompo le'baka Kigaukang ri jammang riolo.

PAMMUJI 44:9

Jari tuli lanipakalompo maKi', ri kambe, siagang tulusu' appala' sukkuru' mae ri Katte.

PAMMUJI 89:49

Inaika lakkulle tallasa' tuli siagang talamatea? Inaika akkulle alliliangi kuburuka?

YESAYA 41:17

Punna a'boya je'ne' anjo bansaKu cilakaya, nakalotoro' karro'-karro'na lanri turere, iNakke, Batara, lampiali pappala' doanna ke'nanga; Allata'alana Israel talanabokoiyai umma'Na.

YESAYA 63:11

Nampa angngu'rangimo ke'nanga ri rewasa' allaloa, ri jammanna Musa, atanNa Batara. Akkuta'nangi ke'nanga angkana, “Kemae Batara, anrurungangai sikamma pamimpinna umma'Na allalo ri tamparanga? Kemae Batara ampassareangai koasaNa mae ri ke'nanga?

YESAYA 63:15

O Batara, Kiparhatikangi battu ri suruga, battu ri pammantangang matangkasatTa siagang mala'birika. Kemae pangngamaseanTa siagang kabaranianTa? Kemae kalammoranTa siagang pangngarimanginTa? Tea' laloKi' tahangngi anjo untu' ikambe.

YEREMIA 23:33

Nakana Batara, “Yeremia, punna kalase'renna tau battu ri ummakKu, yareka kalase'renna na'bi yareka imang akkuta'nang ri kau angkana, ‘Apa pasanNa Batara?’ Musti appialiko angkana, ‘Ikaumi pisangnganNa Batara; lanri kammanami anjo nalaNapelakko.’

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

PAOLE 29:24

Nalakkuta'nammo sikontu linoa angkana, ‘Angngapa Nappanggaukang kamma anjo Batara mae ri pa'rasanganna ke'nanga? Apa saba'na Nalarro dudu kamma anjo?’

PAOLE 31:17

Punna kajariang anjo kammaya, la'bettese'mi larroKu mae ri ke'nanga. LaKubokoi ke'nanga siagang laKupanraki. Jai bala lompo lantujui ke'nanga; nampami sadara' ke'nanga angkanaya nakajariang ngaseng anjo kammaya lanri iNakke, Allata'alana ke'nanga, tenamo naKururungangi ke'nanga.

HAKING-HAKING 6:1

Sikalipi pole, dorakamiseng umma' Israel mae ri Batara. Sa'genna nibalang parekang ke'nanga nikoasai ri bansa Midian tuju taung sallona.

HAKING-HAKING 6:12

Napappicinikammi kalenna anjo malaeka'Na Batara mae ri ia. Nampa nakana, “E, turungka patasa'! Narurungangko Batara!”