HAKING-HAKING 6:11 - KITTA' MATANGKASA'

¹¹ Ri se'reang allo battumi malaeka'Na Batara ri kota Ofra. Nampa ammempo ri rawanganna poko' kayu terpentin, iamintu poko' kayuna Yoas, tu battu ri golonganna Abiezer. Nia' ana'na niareng Gideon, sitabang anjama ase gandung ri pammaccokang je'ne' anggoroka. Nagaukang cokko-cokkoi anjo jama-jamanna sollanna tena naniciniki ri anjo tu Midian.

HAKING-HAKING 6:11 ပူးပေါင်းရင်းမြစ်များ

PA'JARIANG 16:7

Battumi malaeka'Na Batara mae ri Hagar ri ampi'na timbuseng je'neka ri parang lompoa, ri agang mangea ri parang lompo Sur.

PA'JARIANG 48:16

Iami malaeka' allappassanga' battu sikontu bahayaya. Poro Iaminjo Allata'ala ambarakkaki anne ana'-anaka. Poro attallasaki satunggu-tungguna arengku, arenna Abraham siagang arenna Ishak lanri anne ana'-anaka! Poro ammana'-accucui ke'nanga, namajai turunganna ke'nanga ri lino.”

1 KARAENG-KARAENG 19:19

Jari a'lampami Elia na nagappa Elisa sitabang anjama appa'jeko. Nia' sampulo anrua ayoka sapi ri dallekanna, na Elisa kale-kalenna appa'jeko ri ayoka ri boko dudua. Ammalona Elia ri ampi'na Elisa, nasungkemi jubana Elia nampa napataba ri salangganna Elisa.

YESAYA 63:9

Ia KalenNa nituju ri kasusaanna ke'nanga. Tena Nakkiring Batara tunisuro yareka tunisare koasa; Ia KalenNa allappassangi ke'nanga lanri pangngamaseanNa siagang pangngarimanginNa. Tuli Naparakai ke'nanga battu riolo.

PAMMILANGNGANG 26:30

Golongang Iezer, Helek,

IBRANI 11:32

Jari, akkullei jai pole lakubicara, mingka tagannakkai wattungku. Nasaba' tenapa nakurapiki kupau Gideon, Barak, Simson, Yefta, Daud, Samuel, siagang na'bi-na'bia.

YOSUA 17:2

Daera laukanna Binanga Yordan nipassareangi mae ri kaluarga-kaluarga maraenga battu ri jari-jarina Manasye, iamintu kaluarga-kaluarga: Abiezer, Helek, Asriel, Sekhem, Hefer siagang Semida; yangasenna anjo ke'nanga turungang bura'ne battu ri Manasye ana'na Yusuf. Iami ke'nanga kapala-kapala kaluarga.

HAKING-HAKING 13:3

Mingka ri se'reang allo nia'mo malaeka'Na Batara ampappicinikangi kalenna mae ri ia. Nakanamo anjo malaekaka ri ia, “Anne siapaya sallona tena nukkulle anggappa ana'. Mingka tenamo nasallo nulatianang, nunggappa sitau ana' bura'ne.

HAKING-HAKING 13:6

Le'baki anjo mangemi bainenna Manoah ri bura'nenna na nakana, “Daeng, nia' suroNa Allata'ala mae ri nakke, kammai tanja'na malaeka'Na Allata'ala, sa'gengku malla' dudumo. Tena nakupakkuta'nangang angkana battu kemaei. Na tena todong napauanga' arenna.

HAKING-HAKING 5:23

“Tunrai Meros, nabonena, nasaba' battuna ke'nanga teai untu' ambantu a'jari pahlawang barjuanga untu' Batara, kammanjo kananna Malaeka'Na Batara.”

HAKING-HAKING 6:12

Napappicinikammi kalenna anjo malaeka'Na Batara mae ri ia. Nampa nakana, “E, turungka patasa'! Narurungangko Batara!”

HAKING-HAKING 8:2

Mingka appialimi Gideon angkana, “Tena nasiapa anggaranna apa kugaukanga na ia apa nugaukanga ngaseng. Manna nasike'de'ja anjo apa nugaukanga, mingka anjo apa sike'deka lompoangngangi anggaranna na anjo nagaukanga sikontu taungku.

HAKING-HAKING 9:5

Nampa mange ri kamponna manggena ri Ofra. Anjoreng nabuno ngasemmi anjo tujupuloa sari'battanna irate ri se'reang batu. Mingka anjo ana' bungkona Gideon, niarenga Yotam, tena namminawang nibuno, lanri accokkoi.