HAKING-HAKING 5:12 - KITTA' MATANGKASA'

¹² Debora ammentemmako nai', numakkelong-kelong. Barak, ammentengmako nai', nanuerang sikamma musu nitahanga!

HAKING-HAKING 5:12 ပူးပေါင်းရင်းမြစ်များ

PAMMUJI 108:2

Majarreki tappakku, o, Allata'ala, erokka' akkelong siagang mammuji mae ri Katte. He ambangungko, nyawaku!

PAMMUJI 57:8

Kujarreki tappakku, o, Allata'ala, kujarreki tappakku, erokka' akkelong siagang ampujiKi'.

PAMMUJI 57:9

He, ambangungko, nyawaku! He, ambangungko gambusuka siagang kacapia! Erokka' ampabangungi bari'basaka.

PAMMUJI 68:18

Appulo sa'bu kareta kassa' Napake ammumba Allata'ala siagang sanna' mala'biri'Na ri alla'na ke'nanga.

YESAYA 14:2

Jai bansa lantulungi bansa Israel untu' ammotere' mange ri pa'rasangang Napassareanga Batara mae ri ke'nanga, anjoreng, anjo bansa-bansa maraenga la'jari atai mae ri tu Israel. Lanatahangi tu Israel tau le'baka antahangi ke'nanga, siagang lanaparentai tau le'baka anjallakkangi ke'nanga.

YESAYA 33:1

Cilakai sikamma musunta! Angngellaki ke'nanga, manna pole tena naniellaki, angngalle bokoi, manna pole tenaja nialle bokoi. Mingka le'baki ke'nanga angngella' siagang angngalle boko, kalenna ke'nanga laniella' siagang lanialle boko.

YESAYA 51:17

Ambangungko, he Yerusalem, ambangung mako! Hukkungang Napabattua Batara lanri larroNa le'ba'mi nujappai sa'genna la'busu'.

YESAYA 51:9

Ammenteng maKi' o Batara, Kitulung laloi ikambe, pasalamaki ikambe lanri koasaTa. Ammenteng maKi' sangkamma ri jammang riolo ri wattunna Kilissarrang Rahab siagang Kicoka naga tamparanga sa'genna mate.

YESAYA 60:1

Ambangungko nai' siagang a'jariko singara', he Yerusalem, saba' nia'mi battu singara' kasalamakkannu; Allata'ala ansingariko siagang kala'biranNa.

YEREMIA 31:26

Anjo wattua lakkanai taua, ‘Le'bakku tinro jannang, baji'mi pakkasiakku.’

1 KORINTUS 15:34

Angngu'rangi mako ri kamma-kammaya anne, siagang tea' mako eroki pole a'gau' dosa. Siratanna musti a'jari siri'-sirikko lanri nia'na ija ri tangnga-tangnganu tau tenapa natappa' ri Allata'ala.

EFESUS 4:8

Nia' tattulisi' lalang ri Kittaka angkanaya, “Ri wattunNa nai' ri tampa' kaminang tinggia, jai Naerang tu nitahang; nampa jai passare Napassareang mae ri rupataua.”

EFESUS 5:14

Na sikontu apa nicini' bajika, a'jari singara'mi. Iaminjo saba'na nania' nikana, “Ambangungko ikau tau tinroa, ammentengko nai' battu ri kamateanga! Accayami singara'Na Almasi irateangannu.”

2 TIMOTIUS 2:26

Lalang kammana anjo, akkullemi angngu'rangi ammotere' ke'nanga, siagang ta'lappasa'mi battu ri sikko'na Billisika, ia angngalleai pangngainna ke'nanga siagang ampassayai ke'nanga anturukiangi ero'na.

HAKING-HAKING 5:13

Tubarani niaka ammantang battua mange ri pamimpinna, battumi ke'nanga sadia untu' ero' barjuang.