HAKING-HAKING 4:21 - KITTA' MATANGKASA'

²¹ Lanri sanna'na mangnganna, ta'do'do'mi Sisera sa'genna attinro jannang. Angngallemi Yael se're palu-palu siagang patto' kema, nampa palang-palang anreppessi Sisera. Nampa napatinting anjo pattoka ri pilisi'na Sisera sa'genna annarrusu' naung ri buttaya. Kammaminjo nanibunomo Sisera ri Yael.

HAKING-HAKING 4:21 ပူးပေါင်းရင်းမြစ်များ

PAMMUJI 3:7

Tamallakka' ri musu assa'bua makkuliling ri nakke battu ri kemae-kemae.

1 KORINTUS 1:19

Nasaba' Nakana Allata'ala lalang ri Kittaka, “LaKukacoi kaporeanna tau cara'deka siagang laKupa'lanynyaki pammahanna tau niaka pangngassenganna.”

1 KORINTUS 1:27

Nasaba' Nakunjungi memang tongi Allata'ala ampilei tau nicini' dongoka ri anne linoa; sollanna a'jari siri'-siri' tau cara'deka. Siagang Napile tommi Allata'ala tau nicini' lammaya ri anne linoa, sollanna a'jari siri'-siri' tau makassaka siagang magassinga ri anne linoa.

HAKING-HAKING 15:15

Nia'mo nabuntulu' se're buku gigi keledai, beru dudu iji. Narappummi anjo bukua, nampa napake a'jallo', ampalu-palui taua. Sa'genna nia' 1.000 tau mate nabuno.

HAKING-HAKING 3:21

Na nabi'bu'mo silalonna pa'danna Ehud siagang lima kairinna battu ri sa'ri kananna. Nampa napatobo' lantang antama' ri battanna anjo karaenga. Naanjo pa'danga manna pangngulunna tallang ngasengi sa'genna antama' ri parru' jannana anjo karaenga. Annarrusuki sa'genna mae ri boko anjo pa'danga. Nalappassammi Ehud ammantang anjo pa'danga anjoreng.

HAKING-HAKING 3:31

Pamimping ri bokoangannaya iamintu niarenga Samgar, ana'na Anat. Barjuang tommi na nalappassang tu Israel. Nia' 600 tu Filistin nabuno. Natakkang pakkalawaki sapi bawang napake ambunoi anjo ke'nanga.

HAKING-HAKING 4:20

Nampa nakanamo Sisera ri Yael, “Mangeko ammenteng ri timungang kemaya. Punna nia' tau battu nakkuta'nang ri kau apaka nia' tau anrinni, pauangi angkana tena.”

HAKING-HAKING 4:22

Ri wattunna battu Barak amboyai Sisera niruppaimi ri Yael na nakanamo ri ia, “Maeki', nakupaccinikangki' anjo tau kiboyaya.” Antama'mi Barak siagang Yael. Nacini'mi Sisera matemo ammonrang rawa ri buttaya siagang nia' patto' tattinting ri pilisi'na.

HAKING-HAKING 4:9

Appialimi Debora angkana, “Baji'mi, lamminawanga'! Mingka u'rangi teai kau sallang langgappa pappakala'biri'. Sitau baine laNapake Batara ambetai Sisera.” Jari a'lampami Debora siagang Barak mange ri Kedes.

1 SAMUEL 17:43

Nakanamo Goliat ri Daud, “Lanuapai anjo takkanga? Apa nucini' kongkonga' anne?” Nampa nahinamo anjo Daud lalang arenna sikamma rewatana ke'nanga.