HAKING-HAKING 4:19 - KITTA' MATANGKASA'

¹⁹ Nakanamo Sisera ri Yael, “Tulunga', nanusaresa' sike'de' je'ne' inung, katurere dudua'.” Jari angngallemi Yael guci pammolikang je'ne' dadi'na, nampa nasarei angnginung Sisera. Le'baki anjo natongkokimi pole kaeng gordeng.

HAKING-HAKING 4:19 ပူးပေါင်းရင်းမြစ်များ

PA'JARIANG 24:43

Tuli lammentengku anrinni ri ampi'na anne bungunga. Punna nia' se're tulolo battu untu' angngalle je'ne', lakupalaki ri ia sollanna nasarea' je'ne' inung.

1 KARAENG-KARAENG 17:10

Jari a'lampami Elia mange ri Sarfat. Ri wattunna battu mange ri pakke'bu'na anjo kotaya, nia'mo nacini' sitau janda sitabang appasse're kayu tunuang. Nakanamo Elia ri anjo jandaya, “Kitulunga' nakisaresa' je'ne' inung.”

YESAYA 41:17

Punna a'boya je'ne' anjo bansaKu cilakaya, nakalotoro' karro'-karro'na lanri turere, iNakke, Batara, lampiali pappala' doanna ke'nanga; Allata'alana Israel talanabokoiyai umma'Na.

YOHANES 4:7

Na'lampamo ana'-ana' gurunNa Isa ammalli kanre ri kotaya. Tena nasallo, nia'mo sitau baine Samaria battu anynye'ro' je'ne'. Nakanamo Isa ri ia, “Ibu', maka akkullejA' kisare je'ne' inung?”

HAKING-HAKING 4:18

Ri wattunna battu Sisera, niruppaimi ri Yael. Nakana, “Maeki', antamakki' ri kemaku; tea' maki' mallaki.” Jari antama'mi Sisera ri anjo kemaya. Nampa natongko' Yael siagang kaeng gordeng sollanna taccokko.

HAKING-HAKING 4:20

Nampa nakanamo Sisera ri Yael, “Mangeko ammenteng ri timungang kemaya. Punna nia' tau battu nakkuta'nang ri kau apaka nia' tau anrinni, pauangi angkana tena.”

HAKING-HAKING 5:24

Upaki Yael bainenna Heber, tu Keni; ri sikontu bonena kemaya, iami kaminang nibarakkaki.