HAKING-HAKING 3:26 - KITTA' MATANGKASA'

²⁶ Lalang attayanna ija ke'nanga sumpaeng, anjo wattua larimi Ehud alallo anjoreng ri batu-batu niukirika.

HAKING-HAKING 3:26 ပူးပေါင်းရင်းမြစ်များ

2 SAMUEL 4:6

Baine a'jagaya ri anjo ballaka ta'do'doki ri wattu attapina gandung, sa'genna attinro. Lanri kammana anjo akkullei Rekhab siagang Baana antama' cokko-cokko ri anjo ballaka.

2 KARAENG-KARAENG 9:10

Izebel tena nalanitarawangi. Tubuna lanikanrei ri kongkong ri daera Yizreel.’ ” Le'baki napau ngaseng sikammaya anjo, assulu'mi anjo na'bi rungkaya nampa lari.

HAKING-HAKING 3:25

Risallonamo attayang ke'nanga natena ija nasungkei karaenga pakke'buka, lannasa'mi ke'nanga. Angngallemi ke'nanga konci nampa nasungke anjo pakke'buka. Nacini'mi ke'nanga anjo karaenga mate, ammonrang rawa ri daparaka.

HAKING-HAKING 3:27

Battuna mange ri daera monconga ri Efraim, akkaro-karomi angngalle tarompe' nampa napasa'ra untu' angkioki tu Israelka mange a'bundu'. Nabattumo ke'nanga nampa napimping anjo ke'nanga naung battu ri daera monconga.