HAKING-HAKING 3:21 - KITTA' MATANGKASA'

^21-22 Na nabi'bu'mo silalonna pa'danna Ehud siagang lima kairinna battu ri sa'ri kananna. Nampa napatobo' lantang antama' ri battanna anjo karaenga. Naanjo pa'danga manna pangngulunna tallang ngasengi sa'genna antama' ri parru' jannana anjo karaenga. Annarrusuki sa'genna mae ri boko anjo pa'danga. Nalappassammi Ehud ammantang anjo pa'danga anjoreng.

HAKING-HAKING 3:21 ပူးပေါင်းရင်းမြစ်များ

AYUB 20:25

Nitabai ri pana sa'genna loko'; cappa' pana accilla' antarrusuki kalenna, nanikalimbu'mo ri malla' pa'mai'na.

ZAKHARIA 13:3

Na punna nia' ija tau nakana kalenna appabattui pasang, kalenna anrong manggena langkana ri ia angkana musti nihukkung matei lanri appauna kana balle-balle. Punna tuli nakana ija kalenna na'bi, lanicokai sa'genna mate ri manggena siagang amma' kalenna.

2 KORINTUS 5:16

Lanri kammanami anjo, nataerokamo ikambe ambakuki se'rea tau situru' pa'baku'na rupataua. Memang, le'baki ikambe ambakuki Almasi situru' pa'baku'na rupataua, mingka kamma-kamma anne tenamo.

HAKING-HAKING 3:16

Ri se'reang wattu appare'mi Ehud sipappa' pa'dang tarang pimbali, kira-kira a'biringi sitangnga metere' la'buna. Nampa napasappi' anjo pa'danga ri sa'ri kannanna, naparilalanganna bajunna.

1 SAMUEL 15:33

Nakanamo Samuel, “Sangkamma pa'dannu le'baki a'jari passabakkang najai amma' tappela' ana'na, kamma tomminjo amma'nu latappela'mi ana'na.” Nampa naalle nacancang Samuel anjo Agag ri dallekanna tampa' pakkoro'bangngang ri Gilgal.