HAKING-HAKING 21:4 - KITTA' MATANGKASA'

⁴ Ammukona, bari'basa' dudu, appaentemmi umma' Israel se're tampa' pakkoro'bangngang anjoreng, nampa assare koro'bang ke'nanga mae ri Batara iamintu koro'bang nitunu siagang koro'bang passiamakkang.

HAKING-HAKING 21:4 ပူးပေါင်းရင်းမြစ်များ

2 SAMUEL 24:18

Anjo memang alloa nabattu Na'bi Gad andallekang ri Daud na nakana ri ia, “Naikki' karaeng ri panggilingang gandunna Arauna, siagang appaentengki' tampa' pakkoro'bangngang untu' Batara.”

2 SAMUEL 24:25

Le'baki anjo ambangummi Daud tampa' pakkoro'bangngang untu' Batara anjoreng, siagang assaremi koro'bang nitunu kammayatompa koro'bang passiamakkang. Niturukiammi pappala' doanna Daud ri Batara, nampa ammarimo anjo garringa ri Israel.

1 KARAENG-KARAENG 8:64

Ia memang anjo alloa naresmikang tommi Salomo bageang ri tangngana paranglakkeng niaka ri dallekanna anjo Balla'Na Batara. Nampa ri anjo paranglakkenga assaremi koro'bang nitunu, koro'bang gandung, siagang jannana olo'-oloka untu' koro'bang pappasiamakkang. Yangasenna anjo napassareangi anjoreng lanri ca'di dudui tampa' pakkoro'bangngang tambagaya untu' yangasenna anjo passarea.

HOSEA 5:15

LaKubokoi ummakKu sa'genna sukku'mo pa'risi'na ke'nanga lanri dosa-dosana, nampa battu ke'nanga amboyA'. Nakulle kapang lalang ri kapa'risanna ke'nanga nalappattujuammo amboyA'.”

PAOLE 12:5

Ri sikontu daerana suku-suku Israel, ammilei Karaeng Allata'alanu se're tampa' sollanna akkulle bansata battu mange ri dallekanNa siagang anynyomba ri Ia.

IBRANI 13:10

Ikatte nia' tampa' pakkorobangnganta untu' assare koro'bang mae ri Allata'ala. Na anjo imang-imang allayania lalang ri KemaNa Batara, tena ha'na angkanrei anjo koro'bang niaka irate ri anjo tampa' koro'banga.

HAKING-HAKING 20:26

Jari a'lampami pole umma' Israel mange ri Betel nampa angngarru' mae ri Batara. Anjoreng appuasai ke'nanga sa'genna bangngi siagang assarei koro'bang passiamakkang na koro'bang nitunu mae ri Batara.

HAKING-HAKING 21:3

“O, Batara, Allata'alana Israel, angngapa namusti kajariang ngaseng anne sikammaya? Suku Benyamin, kalase'renna suku bansana ikambe, a'birimmi lanynya'!”

HAKING-HAKING 6:24

Appare'mi Gideon se're tampa' pakkoro'bangngang anjoreng, nampa naareng “Batara Kabattuanna Kasalamakkanga.” Anjo tampa' pakkoro'bangnganga nia' iji ri Ofra, iamintu ri kotana tu Abiezer.

HAKING-HAKING 6:26

Nampa nupaenteng irateanganna se're tampa' pakkoro'bangngang ia le'baka nirancana baji'. Nampa nutunu akkayu anjo sapi lakia, untu' a'jari koro'bang mae ri Batara. Anjo bentenna barhala Dewi Asyera le'baka nurumbang, nupare' kayu tunuang.”

1 SAMUEL 7:17

Punna le'baki anjo tuli ammotereki mange ri balla'na ri Rama. Anjoreng a'jari hakingi ri tu Israel, siagang pole ambangung tongi pole se're tampa' pakkoro'bangngang untu' Batara.