HAKING-HAKING 21:19 - KITTA' MATANGKASA'

¹⁹ Nakanamo ke'nanga, “Kammanne! Nia' se're akkulle nigaukang, iamintu ri wattu passua'-suarrang tunggala' taunga untu' Batara ri Silo.” (Ri timboranna Silo niaki kota Betel, na laukanna nia' agang lompona Betel mange ri Sikhem, nampa warakkanna iamintu kota Lebona.)

HAKING-HAKING 21:19 ပူးပေါင်းရင်းမြစ်များ

PAMMUJI 81:3

Appasa'rako rabana, appasa'rako kelong, ko'bi' bajiki gambusuka siagang kacapia.

KAIMANGNGANG 23:2

paratorang-paratorang allo lompona agamaya, ia musti nipa'la'banga a'jari allo lompo untu' anggaukangi ibadaya.

KAIMANGNGANG 23:4

Iaminne allo-allo lompo Napattantua Batara siagang mustia nipa'la'bang ri wattu le'baka nipattantu.

KAIMANGNGANG 23:6

Ammukona, tanggala' sampulo allima, appakkaramulami Passua'-suarrang Roti Tenaya Nammake Pa'gambang, siagang lalanna tuju alloa takkulleai taua angnganre roti ammakea pa'gambang.

PAMMILANGNGANG 10:10

Kammayatompa ri allo-allo karannuannu, iamintu ri allo passua'-suarrang Bulang Beru siagang passua'-suarrannu maraengannaya, anjo tarompeka musti nituiki ri wattunnu assare koro'bang nitunu siagang koro'bang passiamakkang mae ri Nakke. Jari iNakke lantulung ngasengko. INakkemi Karaeng Allata'alanu.”

PAMMILANGNGANG 28:16

Ri tanggala' sampulo angngappa' bulang se're, iami Allo Paska untu' Batara.

PAMMILANGNGANG 28:26

Ri allo makase'rena Allo Lompo Pakkattoanga, allo lompo lappasa'na tappintujua tattuju allo, ri wattunna nupassareang gandung berua mae ri Batara, musti asse're ngasengko untu' anggaukangi ibadaya, siagang takkulleako anggaukangi jama-jamang battalaka.

PAMMILANGNGANG 29:12

Ri tanggala' sampulo allima bulang tuju, musti asse're ngasengko untu' anggaukangi ibadaya, siagang takkulleako anjama battala'. Lalang tuju allo musti apparekko passua'-suarrang untu' ampakalompoi Batara.

YOHANES 5:1

Le'baki anjo, nia'mo passua'-suarranna tu Yahudia ri Yerusalem. Jari a'lampami Isa mange ri Yerusalem.

YOHANES 7:2

Anjo wattua a'birimmi narapi' Allo Lompo Pa'ballakang Leko'-leko Kayua.

PAOLE 16:1

“Pakalompoi Allo Lompo Paskaya ri bulang Abib untu' ampakala'biriki Karaeng Allata'alanu, nasaba' ri wattu iaminjo bulanga, ri wattu bangngina, naNalappassangko Batara battu ri Mesir.

PAOLE 16:10

nampa pakalompoi Allo Lompo Pakkattoanga untu' ampakala'biriki Karaeng Allata'alanu. Ri anjo alloa angngerangko passare ero' kalennu mae ri Ia, situru' jaina dalle' Napassareanga mae ri kau.

PAOLE 16:13

“Punna le'ba'mo nulessoro' gandunnu, siagang le'ba' ngasemmi nipacco' rappo anggoro'nu, musti nupakalompoi Allo Lompo Pa'ballakang Leko'-leko' Kayua, lalang tuju allo.

YOSUA 18:1

Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.

HAKING-HAKING 18:31

Anjo patung barhala bate pare'na Mikha tuli niaki ri Lais ri wattu nia'na KemaNa Batara ri Silo.

HAKING-HAKING 21:20

Jari nakanamo pamimping-pamimpinna anjo pa'rappunganga ri Betel mae ri sikamma tu Benyamin niaka tassesa, “A'lampa ngasemmako accokko ri koko-koko anggoroka ri Silo,

1 SAMUEL 1:3

Taung-taungi Elkana a'lampa battu ri Rama mange assambayang ri Silo siagang assare koro'bang mae ri Batara Kaminang Koasaya. Ia a'jari imanNa Batara ri Silo, iamintu Hofni siagang Pinehas, ana'na Eli.