HAKING-HAKING 21:13 - KITTA' MATANGKASA'

¹³ Nampa sikontu umma' Israel akkirimmi tunisuro mange ri tu Benyamin niaka ri moncong-moncong batu ri Rimon untu' angngerang passiamakkang.

HAKING-HAKING 21:13 ပူးပေါင်းရင်းမြစ်များ

YESAYA 57:19

LaKusarei kasannangngang sikontu taua, baji' tau ambania kammayatompa tau bellaya. LaKupakabajiki ummakKu.

LUKAS 10:5

Punna antamakko ri se'reang balla', a'barisallangko rolong angkana, ‘Poro nibarakkaki bonena anne ballaka.’

EFESUS 2:17

Iaminjo saba'na Nabattu Almasi ambirittakangi Kabara' Bajika, iamintu passala'na anjo passiamakkanga, mae ri kau ngaseng; baji' na mae ri kau bansa maraenga, bellaya battu ri Allata'ala, kammayatompa na mae ri kau bansa Yahudia, a'reppeseka ri Allata'ala.

PAOLE 20:10

Punna a'lampako ambunduki se'rea kota, sarei rolong kasampatang pandudu'na untu' manyara.

HAKING-HAKING 20:45

Tantarana tu Benyamin maraengannaya nagilimmi kalenna nampa lari ammalo ri daera parang lompo mangea ri moncong-moncong batu ri Rimon. Nia' 5.000 tau battu ri ke'nanga nibuno ri tangngana aganga. Maraenganga niondang tulusuki sa'genna mange ri Gideon. Nia' 2.000 tau battu ri ke'nanga nibuno.

HAKING-HAKING 20:47

Mingka battu ri anjo ke'nanga laria ammalo ri daera parang lompo mangea ri moncong-moncong batu ri Rimon, nia' 600 tau lappasa'. Ammantangi ke'nanga ri Rimon patambulang sallona.

HAKING-HAKING 21:12

Jari ri sikamma tau niaka tassesa ri Yabesh, nia'mo nagappa ke'nanga 400 tuloloiji. Naerammi ke'nanga anjo sikamma tuloloa mange ri pakkemaanga ri Silo niaka ri pa'rasangang Kanaan.

HAKING-HAKING 21:14

Lanri kammana anjo nia'mi ammotere' tu Benyamin, nampa napassareammo umma' Israel mae ri ke'nanga anjo sikamma tulolo batua ri Yabesh tenaya nanibunoi. Mingka tanggannakai jaina anjo tuloloa mae ri tu Benyamin.