HAKING-HAKING 20:47 - KITTA' MATANGKASA'

⁴⁷ Mingka battu ri anjo ke'nanga laria ammalo ri daera parang lompo mangea ri moncong-moncong batu ri Rimon, nia' 600 tau lappasa'. Ammantangi ke'nanga ri Rimon patambulang sallona.

HAKING-HAKING 20:47 ပူးပေါင်းရင်းမြစ်များ

YESAYA 1:9

Ebara' angkana tena Napata'lappasaki Batara Kaminang Koasaya siapa are tau battu ri katte, ma'nassa cappu' ngaseng maki', rapang kota Sodom siagang Gomora.

YEREMIA 14:7

Akkioki ummakKu angkana, ‘Batara manna pole naniutung ikambe ri dosana mingka Kitulungi ikambe situru' janjinTa. A'mole-mole maKi' nibokoi ri kambe; tojeng, dorakami ikambe ri Katte.

PIRAUNG 3:32

Punna le'bakki' Nasare kaballassang lamangngamaseangi antu mae ri katte, lanri tuli Nakamaseanta ri pangngai tamattappu'Na.

HABAKUK 3:2

O Batara, kulangngereki passala' panggaukanTa, na napirassi pa'maikku eroka mappakalompo. Poro Kipaollei anjo panggaukang malompoTa na Kipa'nyata ri anne jammanna ikambe. Poro Kikamaseangi ikambe manna pole nabambang nyawaTa.

ZAKHARIA 14:10

Sikontu pa'rasanganga appakkaramula battu ri Geba bageang wara' sa'genna Rimon ri bageang timboro', la'jari lappara' ngasengi. Mingka Yerusalem lammenteng tinggi nai', la'bi tinggiangngang nabutta niaka ri tammulilina; anjo kotaya la'la'baki appakkaramula battu ri Pakke'bu' Lompo Benyamin sa'genna mange ri Pakke'bu' Lompo Panyingkulu', iamintu tampa'na pakke'bu' lompo Makase'rea siagang battu ri Menara Hananel sa'genna mange ri tampa' pammaccokang anggoro'na karaenga.

HAKING-HAKING 20:46

Jari, tantarana tu Benyamin anjo alloa nia' 25.000 nibuno – yangasenna sangnging tantara barani.

HAKING-HAKING 20:48

Nampa ammotere'mo pole tu Israel ambunduki na nabuno ngaseng sikontu anjo tu Benyamin niaka tassesa – bura'ne, baine, ana'-ana' siagang olo'-olo' nabuno ngaseng. Sikontu kota niaka ri anjo daeraya natunu kabusuki ke'nanga.

HAKING-HAKING 21:13

Nampa sikontu umma' Israel akkirimmi tunisuro mange ri tu Benyamin niaka ri moncong-moncong batu ri Rimon untu' angngerang passiamakkang.