HAKING-HAKING 20:41 - KITTA' MATANGKASA'

⁴¹ Na anjo memang wattua nata'gilimmo pasukang lomoro' se'rena Israel maju ambunduki ke'nanga, sanggena silingu-linguimi anjo tantarana tu Benyamin, lanri naassennamo kalenna angkanaya mattantu lanibetami ke'nanga.

HAKING-HAKING 20:41 ပူးပေါင်းရင်းမြစ်များ

PANGNGEBARANG 11:5

Oloanna tau bajika nilapparri ri kalambusang, mingka tau ja'dalaka naerangi kalenna mae ri kapanrakanga.

PANGNGEBARANG 11:6

Tau lambusuka salamaki lanri te'nena pa'mai'na; tau tenaya nakkulle nipatappa', ta'loposoki lanri kangoanna.

PANGNGEBARANG 29:6

Tau ja'dalaka niallei ri sikko' lanri dosana, tau lambusuka sannangi nakasia' siagang mate'nei.

PANGNGEBARANG 5:22

Anjo dosana tau ja'dalaka sanrapangi sikko' tattannanga untu' kalenna tonji ke'nanga.

YESAYA 33:14

Sikamma tau dorakaya ri Sion lannekkereki napakamma malla'. Nakana ke'nanga, “KaputusanNa Allata'ala rapangi pepe' a'rinraya sa'genna satunggu-tungguna. Maka nia' tau akkulle attahang lalang ri anjo pepe' appakaancuruka?”

LUKAS 21:26

Teai sipato' malla'na rupataua andallekangi sikamma apa lakajarianga ri sikontu anne linoa, lanri la'jari tasilolongammi siagang laricu ngasemmi napakamma malla' sikontu tau anna'galaka koasa ri sila'banna linoa.

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.

YOSUA 8:20

Assailemi tu Ai mae ri boko, siagang nacini'mi ke'nanga umbua nai' ri langika. Nacini' tommi Yosua siagang pasukanna anjo umbua, siagang naassemmi ke'nanga angkanaya nipantamakkimi anjo kotaya ri anjo pasukang maraenga. Jari nagilimmi kalenna Yosua siagang pasukanna untu' a'bakka ambunduki siagang ambunoi tu Ai. Nampa battu tommi tu Israel niakamo anjoreng ri kota Ai amminawang ambunduki ke'nanga, sa'genna nilipummi tu Ai siagang tenamo kalappassanna untu' lari. Tena manna sitau ri ke'nanga ta'lappasa'; yangasenna nibuno ngasengi ri tu Israel,

2 PETRUS 2:12

Mingka anjo guru-guru takontutojenga, teai sipato'! Sanrapang mami ke'nanga olo'-olo' nianakkanga untu' lanijakkala' siagang lanibunoa bawang. Tappikkirai ke'nanga, passangalinna kaerokang nyawanaji naturukiang. Sa'genna napakkanaimo ke'nanga apa-apa tanapahanga siagang kana-kana pahinaya. Lanri kammana, laposso' tommi ke'nanga sanrapang olo'-olo' sekkeka, passabakkang panggaukanna tonji ke'nanga.