HAKING-HAKING 20:27 - KITTA' MATANGKASA'

^27-28 Anjo wattua niaki Patti ParjanjianNa Allata'ala ri Betel, na Pinehas ana'na Eleazar, cucunna Harun, tugasa' a'jari imang. Jari akkuta'nammi umma' Israel mae ri Batara angkana, “O, Batara, maka musti a'lampaiji ikambe mange ambunduki anjo tu Benyamin, sari'battanna ikambe, yareka musti nipammarimi anne pa'bundukanga?” Appialimi Batara angkana, “Bunduki ke'nanga! Ammuko laKusareko pammetang.”

HAKING-HAKING 20:27 ပူးပေါင်းရင်းမြစ်များ

2 SAMUEL 7:6

Baku'na Kulappassang bansa Israel battu ri Mesir sa'genna kamma-kamma anne, tena le'baKa' ammantang lalang ri se'reang balla', passangalinna a'la'bangA' tuli a'lampa siagang lalangA' ri kemaya ammantang.

YESAYA 59:1

Teako kapangngi angkana lamma dudui Batara untu' ampasalamakko, yareka tongolo' dudui untu' ampilangngeri pakkio'nu.

YEREMIA 7:12

A'lampako mange ri Silo, iamintu kota le'baka riolo Kupile a'jari tampa' panynyombang mae ri Nakke. Ciniki apa le'baka Kugaukang mae ri anjo tampaka lanri dosana ummakKu Israel.

PAMMILANGNGANG 27:21

Yosua musti appalaki pangngunju' battu ri Imang Eleazar, nampa Eleazar musti napakkuta'nangngangi apa erokKu ammake Urim siagang Tumim. Kammaminjo carana Eleazar ampimpingi Yosua siagang sikontu bansa Israel lalang sikontu passala' nadallekanga ke'nanga.”

YOSUA 18:1

Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.

HAKING-HAKING 1:1

Ri matenamo Yosua, akkuta'nammi umma' Israel ri Batara angkana, “Batara, suku kereangami musti appakkaramula a'lampa mange ambunduki tu Kanaan?”

HAKING-HAKING 20:18

A'lampai anjo tantarana umma' Israel mange ri tampa' ibadaya ri Betel, nakkuta'nang ri Allata'ala angkana, “O, Batara, suku kereanga battu ri kambe musti uru-uru maju ambunduki tu Benyamin?” Appialimi Batara angkana, “Suku Yehuda.”

1 SAMUEL 10:3

Nakana pole Samuel, “Battu anjoreng a'jappa tulusu' mako sa'genna ri poko' kayu tampa' passambayanganga ri Tabor. Anjoreng lasibuntulu' mako siagang tallu tu bura'ne sitabanga a'jappa mange ri Betel untu' assare koro'bang mae ri Allata'ala. Sitau anrenreng tallung kayu ana' bembe, sitau angngerang tallumbatu roti, na sitaua pole angngerang pammoneang rassi anggoro'.