HAKING-HAKING 20:25 - KITTA' MATANGKASA'

²⁵ Nassulu'mo pole makapinruanna tu Benyamin a'bundu'. Anjo wattua nia' 18.000 tantara le'ba'na nilati tu Israel nabuno.

HAKING-HAKING 20:25 ပူးပေါင်းရင်းမြစ်များ

PA'JARIANG 18:25

Tea laloi nanibunoi anjo tau tenaya salana assama-sama siagang tau salaya. TeaKi' Batara! Nasaba' punna kamma anjo laKigaukang, ma'nassa anjo tau tenaya salana lanipasihukkungi siagang tau niaka salana. Maka akkullei hakinna sikontu linoa la'gau' tena adele'!”

PA'JARIANG 49:27

Benyamin, iami rapang serigala sekke'. Anjakkalaki kanrena ri bari'basa'na. Ri bangngina nabage-bagei.”

PAMMUJI 97:2

Nikulilingi ri rammang siagang kasassangang; dasara'na pamarentahanNa iamintu kaadelang siagang hukkung.

HOSEA 10:9

Nakana Batara, “Baku' kajarianga ri Gibea, tenammariapi tu Israel a'gau' dosa angngewa ri Nakke. Lanri kammana anjo ri Gibea tommi ke'nanga lanatuju pa'bundukang.

ROMA 11:33

Teai sipato' heba'na kakalumanynyanganNa Allata'ala! Teai sipato' tinggina kacara'dekanNa siagang pangngamaseanNa! Maka inai akkulle ampappilajari sikamma apa le'baka Napattantu? Maka inai akkulle ampahangi cara-caraNa anjama?

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.

ROMA 3:5

Mingka punna pila' a'nyatamo kaadelanNa Allata'ala, lanri nigaukanna apa-apa tenaya nannaba, apami lanikana? Angkanaya tena Naadele' Allata'ala punna Nahukkungki'? (Memang siratangi anne pakkuta'nang kammaya situru' pikkirang linota.)

HAKING-HAKING 20:21

Jari assulu' tommi tantarana tu Benyamin maju a'bundu', na nabunomo tantarana tu Israel anjo memang alloa nia' 22.000.

HAKING-HAKING 20:24

Makapinruanna a'lampa ke'nanga ambunduki anjo tantarana tu Benyamin.

HAKING-HAKING 20:26

Jari a'lampami pole umma' Israel mange ri Betel nampa angngarru' mae ri Batara. Anjoreng appuasai ke'nanga sa'genna bangngi siagang assarei koro'bang passiamakkang na koro'bang nitunu mae ri Batara.