HAKING-HAKING 20:22 - KITTA' MATANGKASA'

^22-23 Lanri nibetana, a'lampami umma' Israel mange ri tampa' ibadaya angngarru' ri dallekanNa Batara anjoreng sa'genna bangngi. Akkuta'nangi ke'nanga angkana, “O, Batara, maka musti a'lampaiji ikambe mange ambunduki anjo tu Benyamin sari'battanna ikambe?” Appialimi Batara angkana, “Iyo, a'lampamako.” Lanri kammana, lompomi pole sumanga'na tantara Israel, sanggenna naatoro'mi ke'nanga ammotere' pasukanna sangkamma ri pakaramulanna.

HAKING-HAKING 20:22 ပူးပေါင်းရင်းမြစ်များ

2 SAMUEL 11:25

Nakanamo Daud ri anjo tunisuroa, “Pakajarreki pa'mai'na Yoab siagang pauangi sollanna tena naca'di pa'mai'na, nasaba' takkulleai nitappu angkanaya inai lamate lalang ri pa'bundukanga. Pauangi sollanna napakajai siagang la'bi naterassi majua mae ri anjo kotaya sa'genna tundu' anjo kotaya.”

PAMMUJI 64:5

Battu ri paccokkoanna ke'nanga appasiara' carita balle-balle, tena malla'na ke'nanga ampitinai tau tenaya nasala.

HAKING-HAKING 20:15

Anjo alloa a'rappummi ke'nanga battu ri kota-kotana ke'nanga 26.000 tantara. Na pantaranganna anjo nia' tommo 700 tau nipilena Gibea a'rappung. Yangasenna sangnging tau kairi siagang sanna' cara'de'na ammake patte'. Punna ammatte' ke'nanga, tena nale'ba' sala.

HAKING-HAKING 20:17

Na ri tu Israel maraenganga a'rappummi nia' 400.000 tantara sangnging tau le'ba' nilati.

HAKING-HAKING 20:21

Jari assulu' tommi tantarana tu Benyamin maju a'bundu', na nabunomo tantarana tu Israel anjo memang alloa nia' 22.000.

1 SAMUEL 30:6

Sanna' susana ana' buana Daud, lanri tena ngasemmi bainenna siagang ana'na ke'nanga. Lanri kammana ero'mi ke'nanga ansambilai batu Daud. Jari lalang kasusaang lompomi nasa'ring Daud, mingka nipakajarreki pa'mai'na ri Karaeng Allata'alana.