HAKING-HAKING 20:2 - KITTA' MATANGKASA'

² Yangasenna nia' 400.000 tantara a'jappa bangkeng. Sikamma pamimpinna massing sukua ri bansa Israel hadere' ngaseng tongi anjoreng.

HAKING-HAKING 20:2 ပူးပေါင်းရင်းမြစ်များ

2 SAMUEL 14:13

Nakanamo anjo bainea, “Battu ri kananna karaengku, mangakumi karaengku angkanaya kalenna karaengku sala lanri tenana kikellai ana' bura'nena karaengku ammotere' battu ri pa'lampanna ri pa'rasanganna taua. Angngapa nakigaukang karaeng anjo kasalang kammaya mae ri umma'Na Allata'ala?

2 SAMUEL 24:9

nampa a'laporo' mae ri karaenga antekamma wassele'na anjo pammilangnganga. Jaina tu bura'ne akkullea a'jari tantara iamintu 800.000 tau ri Israel nampa 500.000 tau ri Yehuda.

2 KARAENG-KARAENG 3:26

Naassennamo karaeng Moab angkanaya takkulleami attahang, naerammi tantarana kaminang cara'deka akkarena pa'dang 700 tau jaina nampa ero' napantamakki pattahanganna karaeng Edom, mingka tanakulleai.

HAKING-HAKING 20:15

Anjo alloa a'rappummi ke'nanga battu ri kota-kotana ke'nanga 26.000 tantara. Na pantaranganna anjo nia' tommo 700 tau nipilena Gibea a'rappung. Yangasenna sangnging tau kairi siagang sanna' cara'de'na ammake patte'. Punna ammatte' ke'nanga, tena nale'ba' sala.

HAKING-HAKING 20:17

Na ri tu Israel maraenganga a'rappummi nia' 400.000 tantara sangnging tau le'ba' nilati.

HAKING-HAKING 20:3

Lalanna anjo wattua nalangngere'mi suku Benyamin angkanaya niaki bansa Israel maraenga a'rappung ri Mizpa. Jari akkuta'nammi tu Israel mae ri anjo tu Lewi nibunoa baine piarana angkana, “Carita sai bedeng mae ri kambe antekamma kajarianna anjo gau' ja'dalaka!” Appialimi anjo tu Lewia angkana, “Inakke siagang baine piaraku assengka' ri Gibea, ri daerana tu Benyamin, nakua'bangngi anjoreng.

HAKING-HAKING 8:10

Lalanna anjo wattua nia'mi Zebah siagang Salmuna kammayatompa sikontu tantarana ri Karkor. Sikontuna anjo tantarana tu parang kassika nia' mamo 15.000 tassesa. Nia'mo 12.000 tantarana mate.

1 SAMUEL 11:8

Nipa'rappungammi ke'nanga nampa nirekeng ri Bezek: Nia' 300.000 tu Israel na nia' 30.000 tu Yehuda.