HAKING-HAKING 20:19 - KITTA' MATANGKASA'

¹⁹ Ammukona bari'basa' a'lampami ke'nanga nampa akkema ri ampi'na kota Gibea.

HAKING-HAKING 20:19 ပူးပေါင်းရင်းမြစ်များ

YOSUA 3:1

Ammukona, ambangung bari'basa' dudumi Yosua siagang sikontu umma' Israel, nampa nabokoi tampa' pakkemaanna ke'nanga ri Sitim, siagang a'lampa mange ri Binanga Yordan. Anjoreng akkemami ke'nanga siagang attayammi wattu untu' a'limbang.

YOSUA 6:12

Ammukona ri bari'basa' dudua, ambangummi Yosua, nampa a'barrisi'mi makapinruanna sikamma imanga siagang tantaraya angnginroi anjo kotaya; susunna anjo barisanga sangkammai ri allo makase'rea: uru-uruna barisang pangawala' ri dallekang, nampa tujua patui' tarompe', nipinawang ri imang-imang a'buleka Patti Parjanjiang, nampa kala'busanna iamintu barisang pangawala' bageang ri bokoa. Lalang kammana anjo nipasa'ra turusmi tarompeka.

YOSUA 7:16

Ammukona ri bari'basa' dudua, nasuromi Yosua maju umma' Israel mae ri dallekang, tasse're-se're suku, nampa suku Yehudami nataba.

HAKING-HAKING 20:18

A'lampai anjo tantarana umma' Israel mange ri tampa' ibadaya ri Betel, nakkuta'nang ri Allata'ala angkana, “O, Batara, suku kereanga battu ri kambe musti uru-uru maju ambunduki tu Benyamin?” Appialimi Batara angkana, “Suku Yehuda.”

HAKING-HAKING 20:20

Napasidallekammi barisang pabundu'na ke'nanga mae ri anjo kotaya, nampa nabunduki.