HAKING-HAKING 20:18 - KITTA' MATANGKASA'

¹⁸ A'lampai anjo tantarana umma' Israel mange ri tampa' ibadaya ri Betel, nakkuta'nang ri Allata'ala angkana, “O, Batara, suku kereanga battu ri kambe musti uru-uru maju ambunduki tu Benyamin?” Appialimi Batara angkana, “Suku Yehuda.”

HAKING-HAKING 20:18 ပူးပေါင်းရင်းမြစ်များ

YO"EL 1:14

Parentakangi umma'nu untu' appuasa, pappiassengangi passibuntulang lompoa! Kioki sikamma pamimpinga siagang tutoa-toaya, kammayatompa sikontu pandudu'na Yehuda, sollanna battu mae ri Balla'Na Allata'ala, untu' akkio' appala' tulung mae ri Ia.

PAMMILANGNGANG 27:21

Yosua musti appalaki pangngunju' battu ri Imang Eleazar, nampa Eleazar musti napakkuta'nangngangi apa erokKu ammake Urim siagang Tumim. Kammaminjo carana Eleazar ampimpingi Yosua siagang sikontu bansa Israel lalang sikontu passala' nadallekanga ke'nanga.”

PAMMILANGNGANG 27:5

Nampa napabattumo Musa anjo parkarana ke'nanga mae ri Batara.

YOSUA 18:1

Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.

YOSUA 9:14

Naallemi tu Israel sike'de' anjo kanrena tu Gibeon, siagang takkuta'nangngai ri Batara ri sesena anjo passalaka.

HAKING-HAKING 18:31

Anjo patung barhala bate pare'na Mikha tuli niaki ri Lais ri wattu nia'na KemaNa Batara ri Silo.

HAKING-HAKING 19:18

Appialimi anjo tu Lewia angkana, “Battua' ri Betlehem ri Yehuda na kusitabang lalang lampaku ammotere' mange ri ballakku ri padalamanna pa'bulukang Efraim. Inakke tau battu anjorenga'. Tena manna sitau pandudu'na anne kotaya ero' antarimai ikambe untu' a'bangngi ri balla'na.

HAKING-HAKING 20:17

Na ri tu Israel maraenganga a'rappummi nia' 400.000 tantara sangnging tau le'ba' nilati.

HAKING-HAKING 20:19

Ammukona bari'basa' a'lampami ke'nanga nampa akkema ri ampi'na kota Gibea.

HAKING-HAKING 20:7

Ikau ngaseng niaka anrinni tu Israelko. Jari Kamma-kamma anne kupalaki antekamma panggappanu!”

1 SAMUEL 10:3

Nakana pole Samuel, “Battu anjoreng a'jappa tulusu' mako sa'genna ri poko' kayu tampa' passambayanganga ri Tabor. Anjoreng lasibuntulu' mako siagang tallu tu bura'ne sitabanga a'jappa mange ri Betel untu' assare koro'bang mae ri Allata'ala. Sitau anrenreng tallung kayu ana' bembe, sitau angngerang tallumbatu roti, na sitaua pole angngerang pammoneang rassi anggoro'.