HAKING-HAKING 20:1 - KITTA' MATANGKASA'

¹ Jari battumi sikontu umma' Israel, battu ri Dan bageang wara' sa'genna Bersyeba bageang timboro', na Gilead bageang iraya untu' ambantui anjo pakkioka. A'rappummi siagang asse'remi ke'nanga ri Mizpa ri dallekanNa Batara.

HAKING-HAKING 20:1 ပူးပေါင်းရင်းမြစ်များ

2 SAMUEL 19:14

Kammaminjo nakkullemo Daud angngallei pa'mai'na sikontu tu Yehuda sa'genna akkirimmo ke'nanga pasang mae ri karaenga sollanna ammotere' mange ri balla' kakaraenganga siagang ngaseng sikontu pagawena.

2 SAMUEL 2:9

Anjoreng, niangka'mi Isyboset ri Abner a'jari karaeng mae ri daera-daera Gilead, Asyuri, Yizreel, Efraim siagang Benyamin, ba'lalo mae ri sikontu Israel.

2 SAMUEL 24:2

Nampa nakanamo Daud mae ri Yoab panglimana tantarana, “A'lampako siagang sikamma komandanna tantaranu mange ri sikontu suku Israel ri sikontu pa'rasanganga untu' ansuro bilangi panduduka. Erokka' angngassengi jaina ke'nanga.”

1 KARAENG-KARAENG 5:5

Le'ba'mi a'janji Batara mae ri manggeku Daud angkana, ‘Ana' bura'nenu laKuangkaka' a'jari karaeng ansambeangko, iami lambangung tampa' passambayangang mae ri Nakke.’ Lanri kammana anjo, Karaeng Hiram mala'birika, inakke Salomo, le'ba'mi kutappuki untu' ambangungi anjo bangunanga.

2 KARAENG-KARAENG 25:23

Ri wattunna nalangngere' sikamma perwira tantarana Yehuda siagang tantara Yehuda tenaya napassareangi kalenna mae ri tu Babel anjo kabaraka, battu ngasemmi ke'nanga mange ri Gedalya ri Mizpa. Anjo perwira-perwiraya iamintu Ismael ana'na Netanya, Yohanan ana'na Kareah, Seraya ana'na Tanhumet battu ri kota Netofa, siagang Yazanya battu ri kota Maakha.

1 PATTOTTORANG 21:2

Jari nakanamo Daud mae ri Yoab siagang sikamma perwira tantarana, “Suro bilangi taua ri sikontu Israel sa'genna mange ri kampong-kampong bellaya lanri eroki kuasseng angkanaya siapa jaina ra'ya' Israel.”

EZRA 3:1

Ri bulang tuju, nia'mi tu Israel massing ammantang ri kota-kotana. Ri tanggala' se're anjo bulanga a'rappungammi ke'nanga ri Yerusalem.

NEHEMIA 8:1

Narapiki bulang tuju nia' ngasemmi tu Israelka ammantang tuli ri massing-massing kotana. Ri tanggala' se're anjo bulanga a'rappung ngasengi ke'nanga ri kota Yerusalem, ri paranglakkeng niaka ri dallekanna Pakke'bu' lompo Je'ne'. Napalaki ke'nanga sollanna naalle Imang Ezra Kitta' Hukkunga. Anjo Ezra se're tucara'de' ri passala'na Hukkung Napassareanga Batara mae ri Israel tete ri Musa.

YEREMIA 40:6

A'lampa' mange ri Gedalya ri Mizpa, nampa ammantang anjoreng ti tangnga-tangngana ra'ya' nibolika ri pa'rasangang Yehuda.

PAMMILANGNGANG 32:1

Suku-suku Ruben siagang Gad teai sipato' jaina olo'-olo' piarana. Ri wattunna nacini' ke'nanga antekamma baji'na butta Gilead siagang Yaezer untu' nipammarakai olo'-olo',

PAMMILANGNGANG 32:40

Lanri kammana anjo napassareammi Musa anjo butta Gilead mae ri golongang Makhir, siagang ammantang tulimi ke'nanga anjoreng.

YOSUA 17:1

Siapa are bageang ri bageang laukanna Binanga Yordan nipassareangi mae ri bageruanna kaluarga-kaluarga Manasye, ana' toana Yusuf. Makhir, manggena Gilead, iami ana' toana Manasye. Nasaba' ia se'rei tantara pejuang, jari daera Gilead siagang Basan niaka irayanganna Binanga Yordan nipassareang mae ri ia.

YOSUA 4:13

Yangasenna niaki 40.000 tu bura'ne angngerang ngaseng sanjata siagang sadiaya untu' a'bundu'. Ri dallekanNa Batara, alimbangi ke'nanga nampa mange ri lappara' rawaya ri ampi'na Yerikho.

HAKING-HAKING 10:17

Anjo wattua sitabangi sadia-sadia tantara Amon untu' a'bundu'. Akkemai ke'nanga ri Gilead. Na'rappung tommo umma' Israel siagang akkema ri Gilead.

HAKING-HAKING 11:11

Jari a'lampami Yefta siagang pamimping-pamimpinna Gilead. Nampa niangka'mo ri ke'nanga a'jari pamarenta siagang pamimping. Na ri dallekanNa Batara ri Mizpa, napaumi Yefta sikamma apa nakaerokia mae tuniaka ri Gilead.

HAKING-HAKING 11:34

Ammotere'na Yefta battu ri Mizpa, battumi ana' tulolonna anruppai na'joge'-joge' siagang appasa'ra rebana. Iaminjo ana' sitau-tauna.

HAKING-HAKING 18:29

Nasambeimi ke'nanga arenna anjo kotaya a'jari Dan, situru' arenna boena ke'nanga, iamintu Dan, ana'na Yakub.

HAKING-HAKING 20:11

Kammaminjo nassamaturu'mo umma' Israel untu' ambunduki Gibea.

HAKING-HAKING 20:18

A'lampai anjo tantarana umma' Israel mange ri tampa' ibadaya ri Betel, nakkuta'nang ri Allata'ala angkana, “O, Batara, suku kereanga battu ri kambe musti uru-uru maju ambunduki tu Benyamin?” Appialimi Batara angkana, “Suku Yehuda.”

HAKING-HAKING 20:2

Yangasenna nia' 400.000 tantara a'jappa bangkeng. Sikamma pamimpinna massing sukua ri bansa Israel hadere' ngaseng tongi anjoreng.

HAKING-HAKING 20:26

Jari a'lampami pole umma' Israel mange ri Betel nampa angngarru' mae ri Batara. Anjoreng appuasai ke'nanga sa'genna bangngi siagang assarei koro'bang passiamakkang na koro'bang nitunu mae ri Batara.

HAKING-HAKING 20:8

Appada-padami ammenteng anjo tau niaka a'rappung na para nakana, “Ikatte ngaseng anne tena nia' lammotere' mae ri kemaya yareka ri balla'.

HAKING-HAKING 21:5

Nampa nasalidiki ke'nanga, apaka nia' battu ri suku-suku bansa Israel tamangea asse're andallekang mae ri Batara ri Mizpa pirangalloang. (Anjo wattua le'ba'mi assumpa ke'nanga angkanaya tau tenaya nabattu ri pakkiokanga mange ri Mizpa musti nihukkung matei).

1 SAMUEL 10:17

Nakio'mi Samuel sikontu ra'ya' Israel sollanna a'rappungang ri Mizpa.

1 SAMUEL 3:20

Iaminjo saba'na na sikontu umma' Israel battua ri sikontu anjo pa'rasanganga namangakuimi angkanaya anjo Samuel na'biNa Batara. Kere-kere wattu na'bicara Samuel, sikontu bansa Israel mappilangngeri ngasengi. Tuli Napappicikikang iji KalenNa Batara ri Silo, ri tampa' uru NapappicinikanNa KalenNa mae ri Samuel Na'bicara siagang ia.