HAKING-HAKING 2:15 - KITTA' MATANGKASA'

¹⁵ Ia namange ke'nanga a'bundu', tuli nibaliangi ke'nanga ri Batara, situru' apa le'bakamo nipappakaingakkang mae ri ke'nanga. Jari nitujumi ke'nanga ri susa lompo.

HAKING-HAKING 2:15 ပူးပေါင်းရင်းမြစ်များ

2 PATTOTTORANG 12:1

Ri wattunna jarre'mo empoanna Rehabeam a'jari karaeng, ia siagang sikontu ra'ya' Israel tanajampangiami hukkunNa Batara,

YEREMIA 18:8

nampa toba' anjo bansaya battu ri dosana, laKupaonoki anjo pattujungKu.

YEREMIA 21:10

Le'ba'mi Kupattantu angkana laKuancuruki anne kotaya, siagang tena naKupassayangi. Anne kotaya laKupassareangi mae ri karaeng Babel; lanatunui sa'genna cappu' taba sikali. INakke, Batara, anne akkana.”

YEREMIA 44:11

Lanri kammana anjo, iNakke, Batara Kaminang Koasaya, Allata'alana Israel ambaliangko siagang angngancuruki sikontu Yehuda.

YEREMIA 44:27

LaKuusahai sollanna anggappako cilaka siagang tena numate'ne, sa'gennu mate kabusu', baji' lanri pa'bundukang kammayatompa lanri garring.

MIKHA 2:3

Lanri kammana anjo Nakana Batara, “Kurancanakangi bala lompoa mae ri kau ngaseng, sa'gennu takkullea ta'lappasa'. Ri anjo wattu sialaka tenamo nula'jappa tampo.

2 KORINTUS 4:8

Sanrapang nibundukimi ikambe battu ri kere-keremae, mingka tena nakasepekang ikambe. Kala'busang akkala' maki', mingka tena nitappu' panrannuang.

PAOLE 18:20

Mingka punna nia' sitau na'bi barani appabattu pasang lalang arengKu, nampa teai iNakke ansuroi anggaukangi anjo kammaya, musti matei lanri anjo panggaukanna; kammayatompa sikamma na'bi a'bicaraya lalang arenna rewata-rewata maraenga musti matei.’

HAKING-HAKING 10:9

Ba'lalo a'limbammi tu Amon ri Binanga Yordan untu' ambunduki suku Yehuda, Benyamin siagang Efraim. Sa'genna sanna'mo sessana umma' Israel.

RUT 1:13

maka ero'jako lattayang sa'genna lompo? Tena na', teako appakammai! Si'nai nyawaku annawa-nawai sarennu lanri nahukkungku sallang Batara.”

1 SAMUEL 12:15

Mingka, punna tena numappilangngeri ri Batara, ba'lalo nubaliangi parentaNa, ma'nassa ikau ngaseng siagang karaennu laNabaliangko Batara.

1 SAMUEL 13:6

Nampa a'bakkamo ke'nanga maju, ambunduki hebaki tu Israel, sa'genna nia'mi lalang bahaya lompo tu Israel. Accokkomi sipa'gang tu Israelka lalang ri kali'bong batua ri monconga yareka ri alla'-alla'na batu karanga, yareka lalang ri bungunga siagang kalo'bang lalanga ri buttaya.

1 SAMUEL 14:24

Anjo alloa lamma ngasemmi kalenna tu Israel napakamma cipuru', lanri le'baki assumpa Saul angkana, “Cilakai tau angnganrea manna apa-apa mamo anne alloa, punna tenapa nakubalasaki boli'-bolikku ri musungku.” Lanri kammana anjo, manna sitau tena nia' angnganre anjo alloa.

1 SAMUEL 30:6

Sanna' susana ana' buana Daud, lanri tena ngasemmi bainenna siagang ana'na ke'nanga. Lanri kammana ero'mi ke'nanga ansambilai batu Daud. Jari lalang kasusaang lompomi nasa'ring Daud, mingka nipakajarreki pa'mai'na ri Karaeng Allata'alana.