HAKING-HAKING 19:4 - KITTA' MATANGKASA'

⁴ na napala' dudumo sollanna tenamo nammotere' rolong. Lanri kammana, ammantammi tallu allo tallu bangngi sipa'bangngiang anjo baine piarana.

HAKING-HAKING 19:4 ပူးပေါင်းရင်းမြစ်များ

PA'JARIANG 24:55

Mingka nakanamo daenna siagang amma'na Ribka, “Boli'mi kamma nammantang rolong Ribka siagang ikambe, kira-kira sidaminggu yareka sampulo allo pole. Le'bappi anjo nampa akkulle a'lampa.”

PA'JARIANG 25:6

mingka ri wattu attallasa'na jai tonji hadia barang-barang napassareang mae ri ana'-ana' battua ri baine maraenna. Nampa nasuro anjo sikamma ana'na a'lette' mange ri daera niaka ri bageang rayanganna Kanaan, sollanna napakabella kalenna battu ri Ishak ana'na.

HAKING-HAKING 19:3

a'lampami anjo tu Lewia ampinawangi untu' anynyonyoki sollanna ammotere' mae ri ia. A'lampana, angngerangi sitau suro siagang ruang kayu keledai. Battui mange anjoreng, nierammi ri bainenna mange ri manggena. Nicini'na ri manggena anjo bainea, niruppaimi siagang rannu pa'mai'na,

HAKING-HAKING 19:5

Ri makaappa'na alloa, ambangung bari'basa' dudumi ke'nanga apparuru untu' a'lampa. Mingka nakanamo manggena anjo bainea mae ri anjo tu Lewia, “Angnganreko rolong sollannu gassing. Sinampeppa nu'lampa.”