HAKING-HAKING 19:3 - KITTA' MATANGKASA'

³ a'lampami anjo tu Lewia ampinawangi untu' anynyonyoki sollanna ammotere' mae ri ia. A'lampana, angngerangi sitau suro siagang ruang kayu keledai. Battui mange anjoreng, nierammi ri bainenna mange ri manggena. Nicini'na ri manggena anjo bainea, niruppaimi siagang rannu pa'mai'na,

HAKING-HAKING 19:3 ပူးပေါင်းရင်းမြစ်များ

PA'JARIANG 34:3

Mingka sanna'mi ero'na ri Dina, sa'genna tu'guru' pangngai ri ia. Nausahaimi sollanna ero' todong anjo tuloloa ri kalenna.

PA'JARIANG 50:21

Teako bata-batai. Lakupa'gannakkangko kaparalluannu ngaseng siagang ana'-ana'nu.” Kammaminjo, na napakasannammo Yusuf pa'mai'na ke'nanga, siagang kana-kana lamma, sa'genna dinging-dingimmo pa'mai'na ke'nanga.

YEREMIA 3:1

Nakana Batara, “Punna nia' sitau baine nitalla' ri bura'nenna, nampa anjo bainea nibaineangi ri bura'ne maraeng, takkulleai anjo le'ba' bura'nenna ambaineangi pole ammotere', lanri anjo passala' kammaya lammanraki ri anne pa'rasanganga. Ikau tu Israel, jai sikalimi tanrinnu, antekamma batenu lakkulle ammotere' mae ri Nakke!

HOSEA 2:14

Nakana Batara, “Lanri kammana anjo laKuerangi mange ri parang lompoa; laKunyonyoki anjoreng siagang kana-kana passingaiang.

HOSEA 2:16

Nampa iNakke lanakio' bura'nenna, teaimi Rewata Baalka.

KAIMANGNGANG 19:17

Teako pammoli'-molikangngi parannu tau, manna pole inai. Pakabajiki punna nia' passisala-salannu manna pole inai nuagang sisala-sala, sollanna tena nudoraka passabakkang tau maraeng.

KAIMANGNGANG 20:10

Punna nia' tu Israel a'gau' salimara' siagang bainenna julu bansana, anjo taua siagang anjo bainea musti nihukkung matei.

PAMMILANGNGANG 22:22

Mingka ri wattunna a'lampa Bileam, a'jari larromi Allata'ala. Lalang nadongkokinna Bileam keledaina, nirurungang ri rua palayanna, nia'mi malaeka'Na Batara ammenteng ri tangngana aganga untu' anrompai ke'nanga.

MATIUS 1:19

Anjo Yusuf tuli tutui anggaukangi gau' tojenga situru' napangngajarranga agamana. Taerokai ampelakkangi siri'na Maria ri dallekanna tau jaia. Jari ero'mi a'lampa cokko-cokko ambokoi Maria.

YOHANES 8:11

Appialimi anjo bainea nakana, “Tena, Pa'.” Nakanamo Isa, “Baji'mi; iNakke tena todong Kusalakangko. Kamma-kamma anne a'lampamako, mingka teako a'gau' dosai pole.”]

GALATIA 6:1

Sikamma sari'battangku! Punna nia' tau nugappa a'gau' dosa, ikau nipimpinga ri RohNa Allata'ala parallui nuerang ammotere' anjo taua mange ri oloang annabaya. Mingka musti tuna pa'maikko anggaukangi, siagang katutui kalennu sollanna tena nunataba todong paccoba.

HAKING-HAKING 15:1

Tena nasallo ribokoanganna, ri wattunna pakkattoang ase gandung, a'lampami Simson angkunjungi bainenna. Angngerangi sikayu bembe rungka untu' bainenna. Na nakanamo Simson ri matoang bura'nena, “Erokka' antama ri kamaraka sicini' bainengku.” Mingka tanipa'biangai ri matoang bura'nena.

HAKING-HAKING 19:2

Mingka ri boko, larroi anjo baine piarana, sa'genna ammotere' mange ri balla'na manggena ri Betlehem. Narapiki patambulang sallona ammantang anjo bainea anjoreng,

HAKING-HAKING 19:26

Ri wattu subuna ammotere'mi anjo bainea, mingka narapi'na dallekang pakke'bu' balla'na anjo tau toaya, balla' pa'bangngianna bura'nenna, tenamo nangngu'rangi. Sa'genna ammumba alloa tuli nia'na anjoreng.

HAKING-HAKING 19:4

na napala' dudumo sollanna tenamo nammotere' rolong. Lanri kammana, ammantammi tallu allo tallu bangngi sipa'bangngiang anjo baine piarana.