HAKING-HAKING 19:16 - KITTA' MATANGKASA'

¹⁶ Lalang ammempona ke'nanga ri lapanganna kotaya, nia'mo battu se're tau toa beru ammotereka battu ri kokonna anjama. Anjo taua sitojenna tau battu ri daera pa'bulukanna Efraim, mingka kamma-kamma anne ammantammi ri Gibea. (Pandudu' maraenga ri Gibea iamintu tu Benyamin).

HAKING-HAKING 19:16 ပူးပေါင်းရင်းမြစ်များ

PA'JARIANG 3:19

Laballasakko anjama siagang lammattiki songo'nu nanampa nia' wassele'na anne buttaya, sa'gennu ammotere' poleang a'jari butta, nasaba' battu ri buttayako nipare'. Battu ri buttayako nipare', na nulammotere' a'jari butta.”

PAMMUJI 104:23

Nampa assulu'mo rupataua untu' anggaukangi jama-jamanna, nanjama tulusu' sa'genna karueng.

PAMMUJI 128:2

Langnganreko battu ri wassele' jama-jamannu, attallasa' kala'biang siagang salewangang.

PANGNGEBARANG 13:11

Kakalumanynyangngang lomo dudua gappanna, linta' tongi kurang; mingka barang-barang nipa'du'duka tassike'de'-tassike'de' lapila' katambangi.

PANGNGEBARANG 14:23

Lalang sikontu usahaya nia' passawallanna; bicara kosonga napatu'guru' kasi-asi taua.

PANGNGEBARANG 24:27

Teako ambangungi pakkalabiniang punna tenapa nupasadiai kokonnu siagang nia'mo pa'boya-boyannu.

KATO'BA 1:13

Attojeng-tojenga' ero' ansalidiki siagang ampappilajari siagang baji' sikontu apa kajarianga ri anne linoa. Sare le'baka Napasadia Allata'ala untu' ikatte teai sipato' appakasi'nana pa'mai'.

KATO'BA 5:12

Nia' kucini' ri anne linoa sanna' appakasi'nana pa'mai': Nia' se're tau appatambung barang-barang untu' wattu kakurangang.

HOSEA 9:9

Teai sipato' ja'dala'na panggaukannu sangkamma le'baka nagaukang taua ri Gibea. LaNau'rangi Allata'ala kasalannu, siagang Nahukkungko lanri dosanu.

EFESUS 4:28

Tau biasaya a'lukka' musti napammarimi a'lukkaka. Nampa musti anjamami sollanna nagappa pattallasanna siagang lambusu'; siagang nakkulle nutulung tau kakuranganga.

2 TESALONIKA 3:10

Ri wattunna nia' ija ikambe ri tangnga-tangnganu ngaseng, napabattumi ikambe anne paratoranga angkanaya, “Tau tenaya naero' anjama, teako sarei kanre.”

HAKING-HAKING 19:1

Ri wattu tenanapa karaenna tu Israel, nia' se're tu Lewi ammantang ri padalamang, ri daera pa'bulukanna Efraim. Angngallei sitau baine piara battu ri Betlehem Yehuda.

HAKING-HAKING 19:14

Jari a'jappa tulusu'mi ke'nanga na tammaria ri Yebus. Labumi alloa ri wattunna battu ke'nanga mange ri Gibea, ri daerana suku Benyamin.

HAKING-HAKING 19:15

Assengkai ke'nanga anjoreng untu' a'bangngi, na'lampamo ke'nanga antama ri kotaya nampa mange ammempo ri lapanganga. Mingka tena manna sitau angkioki ke'nanga mange a'bangngi ri balla'na.

HAKING-HAKING 19:17

Ri wattu nacini'na anjo tau toaya anjo tu Lewia nia' ri lapanganga, akkutanammi angkana, “Battu kemaeko sari'battang, siagang la'lampa kemaeko?”