HAKING-HAKING 19:10 - KITTA' MATANGKASA'

^10-11 Mingka taerokami anjo tu Lewia a'bangngi anjoreng. A'lampami siagang baine piarana kammayatompa surona siagang ruang kayu keledai teke'na. Ri wattunna lasa'ra'mo alloa, anrapi'mi ke'nanga mange ri ampi'na Yebus (iamintu Yerusalem). Nampa nakanamo anjo suroa mae ri karaenna, “Karaeng, umba kissengkamo nakia'bangngi anrinni ri kotana tu Yebus.”

HAKING-HAKING 19:10 ပူးပေါင်းရင်းမြစ်များ

2 SAMUEL 5:6

Ri se'reang allo a'lampai Karaeng Daud siagang ana' buana ero' ambunduki Yerusalem. Pandudu'na anjo kotaya, iamintu tu Yebus, nakapangi angkanaya tanakulleai Daud ambetai Yerusalem. Lanri kammana anjo nakanamo ke'nanga ri ia, “Takkulleako lantama' mae; manna tau butaya siagang tau tempanga akkulle tongi ambongkako.”

YOSUA 15:63

Kota Yerusalem antama tongi kotana Yehuda, mingka takkulleai tu Yehuda nabongka tu Yebus niaka ammantang anjoreng. Sa'genna kamma-kamma anne tuli nia' iji tu Yebus sipammantangngang siagang tu Yehuda ri anjo kotaya.

YOSUA 15:8

nampa nai' allalo ri Ka'bung Hinom a'lampa timboro' ri buluka, ri napammantangngia Yerusalem, kota tu Yebus. Battu anjoreng ri garisi' pa'baeng-baenga a'lampa mange ri coppo'na anjo buluka ri laukanna Ka'bung Hinom, ri cappa' wara'na Ka'bung Refaim,

HAKING-HAKING 1:8

Nabundukimi tu Yehuda kota Yerusalem. Na narampasa' siagang natunumi ke'nanga anjo kotaya. Kammayatompa nabuno tommi tuma'buttana.

HAKING-HAKING 19:9

Nampa, ri wattu ero'namo a'lampa anjo tu Lewia siagang baine piarana kammayatompa surona, nakanamo anjo manggea, “Sa'ra'mi alloa, tasalloami nasassang. Bajikangngang a'bangngi mako anrinni nuassannang-sannang. Ammukopi numbangung bari'basa' nunampa a'lampa ammotere'.”