HAKING-HAKING 18:9 - KITTA' MATANGKASA'

^9-10 Nakanamo ke'nanga, “Umba kimange ambunduki Lais. Battu anjoremmi ikambe. Buttana bajiki, luaraki na coppong, yangasenna nia' anjoreng. Teaki' tuli ammantangngi anrinni tamanggaukang apa-apa. Karo-karo maki' mange anjoreng na nialle anjo pa'rasanganga. Lanirapikangi anjo pandudu'na na tanaassenga kalenna nibunduki. Tappaki ikambe angkanaya le'ba'mi Napassareang Allata'ala anjo pa'rasanganga mae ri katte.”

HAKING-HAKING 18:9 ပူးပေါင်းရင်းမြစ်များ

2 SAMUEL 10:12

Pakajarreki nyawanu. Umba kibarjuang siagang barani untu' bansata siagang untu' kota-kotaNa Allata'alata. Dasi-dasi naNagaukang Batara apa Nakaerokia.”

1 KARAENG-KARAENG 22:23

Nampa nakana pole Mikha, “Jari iaminjo kajarianga! Nipa'jari a'balle-balle ngasemmi ri Batara anjo na'bi-na'bita, nasaba' le'ba'mi Napattantu Batara angkana laNapitujuiki' bala!”

1 KARAENG-KARAENG 22:3

Rioloangannaya anjo le'ba'mi nakana Ahab mae ri sikamma perwira tantarana, “Nuasseng ngasengi angkanaya anjo kota Ramot ri Gilead, ikatte pata! Angngapa natena nirampasaki ammotere' battu ri karaeng Siria?”

PAMMILANGNGANG 13:30

Mingka Kaleb napakajarreki pa'mai'na tau akkunrarenga ri Musa. Nakana Kaleb, “Anjo pa'rasanganga musti nibunduki nampa nialle memang kamma-kamma anne, lanri nia' kagassinganta untu' ambetai.”

YOHANES 6:27

Teako naporo untu' kanre lala'busuka siagang labottokaji bawang nanuanjama-jama. Anjamako untu' kanre tenaya nakkulle botto' siagang akkullea assare katallassang mannannungang. Iaminjo kanre kammaya laNasareangko Ana' Ma'rupataua, nasaba' Iami le'ba' Nalanti' Allata'ala Manggea.”

YOSUA 18:3

Jari nakanamo Yosua mae ri umma' Israel, “Siapapi sallonu lattayang ngaseng, nampa a'lampako mange angngallei daera Napassareanga Batara, Allata'alana boe-boenu mae ri kau?

HAKING-HAKING 18:8

Ri wattunna ammotere'mo anjo tau limaya mae ri julu sukuna ri Zora siagang Esytaol, nisuromi ke'nanga assare laporang.

1 SAMUEL 4:9

Pa'baraniangi nyawanu, ikau tu Filistin! A'bundu' mako sangkamma bura'ne. Punna tena, lanapa'jariko ata anjo tu Ibrania, sangkamma ke'nanga riolo a'jari atai mae ri kau ngaseng. Lanri kammana, a'bundu' mako siagang barani!”